InfoHub Logo

Búgin, 19 aqpanda Almaty qalasynda aýa temperatýrasy +23 gradýsqa deıin kóterilip, tarıhı rekordty jańartty. Bul kórsetkish sınoptıkterdi de tań qaldyrdy.

Qazgıdromettiń málimetinshe, mundaı jyly aýa raıy buryn-sońdy aqpan aıynda tirkelmegen. Sońǵy ret Almatyda aqpan aıyndaǵy eń joǵary temperatýra 2021 jyly 16,3 gradýs jylylyq bolǵan.

Meteostansıada +22,8 gradýs tirkelip, bul jańa rekordtyq kórsetkish bolyp sanalady.

Alaıda, bul jylylyq uzaqqa sozylmaıdy. Erteńnen bastap, ıaǵnı 20 aqpannan bastap, aýa temperatýrasy qaıta tómendeı bastaıdy. Senbide kúndiz +7+9 gradýs, túnde +3+5 gradýs bolady. Al jeksenbide túnde 0-2 gradýsqa deıin sýytyp, kúndiz +8+10 gradýsqa deıin jylynady.

Aıta keteıik, bıyl Almatydaǵy qys erekshe boldy. Kóp ýaqyt boıy qalada plústik temperatýra saqtalyp, jeltoqsan aıynda kóktemgideı jylylyq baıqaldy. Qańtarda tipti qarlyǵashtar men qaz-úırekter kóringen.

Mamandar mundaı qolaısyz aýa raıyna Orta Azıadan, sonyń ishinde Aýǵanstan, Iran jáne Ózbekstan aýdandarynan keletin jyly aýa massalarynyń áseri sebep boldy dep túsindirdi.