InfoHub Logo

Almatyda 25 jastaǵy Erzat Egizbaı esimdi azamat jumys istep júrgen jerinen beımálim sebeptermen joǵalyp ketti. Polısıa men eriktiler uıymdary ony izdeýge kiristi.

Bul týraly Infohub.kz aqparat agenttigi habarlaıdy.

Jigittiń joǵalýy

19 mamyr kúni saǵat 14:30 shamasynda Erzat Shalqaruly Egizbaı Raıymbek dańǵylyndaǵy (147B úı mańy) qurylys alańynan shyǵyp ketip, osy ýaqytqa deıin habarsyz ketken. Onyń uıaly telefony sońǵy ret Almaty oblysy, Eńbekshiqazaq aýdanynda (Ystyq qumdaqtar, «Kókjaı» SK) belsendi bolǵan.

Jaqyndarynyń aıtýynsha

Joǵalǵan azamattyń aǵasynyń aıtýynsha, Erzat buryn-sońdy eskertýsiz úıinen ketip kórmegen. Ol eshqandaı medısınalyq esepte turmaıdy, qylmystyq jaýapkershilikke tartylmaǵan jáne bes ýaqyt namazyn qaza qylmaıdy.

Erzat Egizbaıdyń sıpattamasy

İzdestirý jumystary

Qazirgi ýaqytta krımınaldyq polısıa derekterdi tekserip, Erzattyń Qazaqstan shekarasyn kesip ótpegenin, eshbir memlekettik mekemege barmaǵanyn anyqtady. Almaty qalasy polısıa departamentiniń barlyq qyzmetkeri izdeýge jumyldyryldy. Sondaı-aq, «Qoǵam» jáne «Lıder KZ» eriktiler uıymdarynyń músheleri aýmaqty tekserip, habarlandyrýlardy taratýda.

Erzat Egizbaı týraly qandaı da bir aqparat bilseńizder, polısıaǵa 102 nómiri arqyly nemese joǵalǵan azamattyń aǵasy Azamatqa +7 777 021 66 60 nómirine habarlasýǵa bolady.