tengrinews.kz
Almatyda aıaldamada turǵan aǵash qulady: eshkim zardap shekpedi
Búgin Almaty qalasynda Mının jáne Markov kósheleriniń qıylysynda úlken aǵash qulady. Kútpegen jaǵdaı ortalyq aýdandardyń birinde, adam kóp júretin jerde boldy. Abyroı bolǵanda, eshkim zardap shekpedi.
Bul týraly Infohub.kz aqparat agenttigi habarlaıdy.
Aǵashtyń qulaý sebebi
Qala ákimdiginiń málimetinshe, qulaǵan aǵash 2026 jylǵa arnalǵan avarıalyq aǵashtardy kesý tizimine engizilgen bolatyn. Qazirgi ýaqytta Almaty ekologıa jáne qorshaǵan ortany qorǵaý basqarmasynyń tapsyrysymen aǵashtardy kesý jumystaryn júrgizý úshin merdiger uıymdy anyqtaý boıynsha konkýrstyq rásimder júrip jatyr.
Shuǵyl sharalar qabyldandy
Avarıalyq aǵashtyń qulaýy faktisi boıynsha, Almaty qalasy Tótenshe jaǵdaılar departamentiniń 109 qyzmetine habarlama jiberildi. Bostandyq aýdany ákimi apparatynyń tapsyrmasymen merdiger uıymnyń kúshimen qulaǵan aǵashty jedel túrde alyp tastaý jumystary júrgizildi.
Qazirgi ýaqytta jol jáne jaıaý júrginshiler ótetin aımaqtar tolyq tazartylyp, qozǵalys qalpyna keltirildi. Komýnaldyq jelilerge zaqym kelgen joq.
-
Aqtaýdaǵy «Jibek joly» saýda ortalyǵynyń qurylysy úsh jyldan beri aıaqtalmaı, turǵyndardyń narazylyǵyn týdyrýda. Jobanyń ashylý merzimi birneshe ret keıinge shegerildi.
-
Pasajırka skonchalas na reıse British Airways ız Gonkonga v London. Ekıpajý prıshlos prınát neprostoe reshenıe, kak postýpıt s telom vo vremá 13-chasovogo pereleta.
