Tengrinews.kz
Almatyda alǵashqy krematorıı iske qosylady
Almatyda Qazaqstandaǵy alǵashqy krematorıı jaqyn kúnderi jumysyn bastaıdy. Bul týraly qalalyq qoǵamdyq densaýlyq saqtaý basqarmasy habarlady.
Bul týraly Infohub.kz aqparat agenttigi habarlaıdy.
Krematorııdiń ashylýy nege mańyzdy?
9 qańtarda Ádilet mınıstrliginde Ulttyq ekonomıka mınıstrliginiń buıryǵy tirkeldi. Bul buıryq krematorıılerdiń qyzmetin zańdastyrýǵa múmkindik beredi. Osylaısha, Qazaqstanda alǵash ret kremasıa rásimin ótkizýge quqyqtyq negiz qalyptasty.
"Buıryq kúshine engennen keıin Almaty qalasyndaǵy krematorıı sanıtarlyq jáne quqyqtyq talaptardy saqtaı otyryp, jumysyn bastaıdy", – delingen habarlamada.
Qazirgi ýaqytta Almaty qalalyq patologoanatomıalyq búrosynyń baqylaý keńesi arqyly kremasıa qyzmetteriniń baǵalaryn bekitý prosesi jalǵasýda. Baǵalar men qyzmet kórsetý tártibi týraly aqparat búronyń resmı saıtynda jarıalanady.
2025 jyldyń qyrkúıeginde Almatynyń komýnaldyq ınfraqurylym jáne turǵyn úı ınspeksıasy basqarmasy aldaǵy alty-jeti jylda qaladaǵy zırattarda jerleý oryndary taýsylatynyn málimdegen bolatyn. Qalada 70 zırat bar, onyń 61-i jabylǵan. Jańa zırattar úshin jerler Almaty oblysynda ǵana qarastyrylýda.
-
Jetisaı aýdandyq sotynda ákesin uryp óltirgen Almas Sadaqbaevtyń isi qaralýda. Sotta oqıǵanyń mán-jaıy ashyldy.
-
Atyraý qalasynda 12 qańtar kúni keıbir mekenjaılarda jaryq ýaqytsha sóndiriledi. Bul jumystar qaýipsizdik sharalaryn qamtamasyz etý maqsatynda júrgiziledi.
