Almatyda iri jol apaty: birneshe kólik qaqtyǵysyp, 20 adam zardap shekti
Almaty qalasynyń mańynda oryn alǵan jol-kólik oqıǵasy saldarynan bir ýaqytta birneshe kólik soqtyǵysyp, 20 adam medısınalyq kómekke júgindi.
Oqıǵa qala syrtyndaǵy baǵyttardyń birinde tirkelgen. Aldyn ala málimetterge sáıkes, júk kótergish tehnıka júrgizýshisi kólikti basqara almaı, aldymen eki jeńil kólikke soqtyǵysqan. Sonyń saldarynan olar jol jıegine ushyp ketken.
Budan keıin júk kóligi qarsy baǵytqa shyǵyp, ishinde jolaýshylar otyrǵan qoǵamdyq kólikpen soqtyǵysqan. Soqqynyń ekpinimen avtobýs taǵy bir jeńil kólikke soǵylyp, sońǵysy aınalyp baryp qaıtadan avtobýstyń artyna soǵylǵan.
Kýágerlerdiń sózinshe, jeńil kólikterdiń birinde balalarmen birge áıel adam bolǵan. Jaraqat alǵandardyń ishinde olardyń bar-joǵy anyqtalyp jatyr.
Qazirgi ýaqytta zardap shekkenderdiń jaǵdaıy naqtylanýda. Oqıǵanyń mán-jaıyn polısıa men tótenshe jaǵdaılar qyzmeti tekserip jatyr.
You Might Also Like
-
Indonezıada esirtki tasymaldaǵan eki qazaqstandyqqa ólim jazasy taǵaıyndalýy múmkin
-
Aqtaýda jol qozǵalysyn "rettegen" kýrer 40 myń teńge aıyppul tóledi,dep jazady Infohab tilshisi.
