InfoHub Logo

Almatyda jańbyr jaýyp, aýa raıynyń qolaısyzdyǵyna baılanysty komýnaldyq qyzmetter kúsheıtilgen rejımge kóshirildi. Sınoptıkterdiń boljamy boıynsha, jaýyn 12 mamyr kúni túske deıin jalǵasady.

Bul týraly qala ákimdiginiń baspasóz qyzmeti habarlady. Qazgıdromettiń málimetinshe, Almatyda ortasha jáne qatty jaýyn, naızaǵaı, sondaı-aq jeldiń ekpini sekýndyna 15-20 metrge deıin kúsheıedi dep kútilýde. 11 mamyrda keı jerlerde qatty jaýyn men jeldiń sekýndyna 18 metrge deıin kúsheıýi boljanyp otyr.

Komýnaldyq qyzmetterdiń daıyndyǵy

Qala ákimdiginiń habarlaýynsha, yqtımal lokaldy sý tasqyndarynyń aldyn alý jáne joıý maqsatynda komýnaldyq qyzmetter men merdiger uıymdar táýlik boıy kezekshilikke shyqty. Olarǵa 104 arnaıy tehnıka, 74 motopompa, 12 ılosos mashınasy, 425 jol jumysshysynan turatyn 75 jedel brıgada jumyldyryldy. Sondaı-aq, 2300 qap qum daıyndaldy.

Buǵan qosa, arnaıy tehnıkalar men 15 motopompamen jabdyqtalǵan Almaty qalalyq Qutqarý qyzmeti de kezekshilikte.

Qalalyq TJD jelisi boıynsha 53 birlik arnaıy tehnıka men 240 jeke quram jumyldyryldy. Barlyǵy táýliktik shyǵys 3080 jol jumysshysy men 1225 arnaıy tehnıkany quraıdy.

Qala turǵyndaryna eskertý

Buǵan deıin qalalyq TJD Almaty turǵyndary men qonaqtaryna 11 mamyrda taýǵa shyǵýdy keıinge qaldyrýǵa keńes bergen bolatyn.

Buǵan deıin Astana, Almaty jáne Shymkent qalalarynda aldaǵy úsh kúnde temperatýranyń kúrt ózgerýi, jańbyr men qatty jel bolatyny habarlanǵan edi.