InfoHub Logo

Almatyda aýa raıy kúrt jylynyp, +15-20 gradýsqa jetse de, páterlerdegi jylýdy óshirmegenine qala turǵyndary narazylyq bildirýde. Áleýmettik jelilerde adamdar bul máselege qatysty jıi shaǵymdanyp, jazǵyturǵynnyń ystyǵynda páterdegi qyzý batareıalarǵa tózýge májbúr ekenin aıtýda.

Bul týraly Infohub.kz aqparat agenttigi habarlaıdy.

Jylý berý maýsymyn aıaqtaý erejeleri

Qazaqstan Respýblıkasynyń zańnamasyna sáıkes, jylytý maýsymynyń aıaqtalý merzimi naqty belgilengen. Almaty oblystyq máslıhatynyń 2024 jylǵy 15 qazandaǵy № 27-145 sheshimi boıynsha, jylý berýdi toqtatý tek aýa raıynyń kórsetkishterine negizdeledi. Eger bes kún qatarynan ortasha táýliktik aýa temperatýrasy +10 gradýsqa jetip, sondaı deńgeıde turaqty saqtalsa, onda jylý berý maýsymy aıaqtalady.

Atalǵan sharttar oryndalǵannan keıin ǵana jergilikti atqarýshy organ resmı túrde jylý berýdi toqtatý týraly sheshim qabyldaıdy. Jylýdy óshirý kezeń-kezeńimen júzege asyrylady: aldymen ákimshilik ǵımarattar, sodan keıin turǵyn úıler, jáne tek sońynda mektep, balabaqsha, aýrýhana sıaqty áleýmettik nysandar jylýdan ajyratylady.

Resmı jaýap

Almaty qalasy ákimdiginiń málimetinshe, jylý berý maýsymynyń naqty aıaqtalatyn kúni qosymsha habarlanatyn bolady. Bul sheshim aýa raıynyń boljamy men ortasha temperatýranyń kórsetkishterine baılanysty qabyldanady.