Photo: Disney Magat (https://www.pexels.com/@disney-magat-2160913074) / Pexels
Almatyda kólik saýdasy qandy qylmysqa ulasty: pyshaqtap, kóligin alyp ketti
Almatynyń Almaly aýdanynda avtokólik satý mámilesi kezinde adam tonaý oqıǵasy boldy. Eki azamat kólikke qatysty kelisimshartty talqylaý úshin kezdeskende, aralarynda janjal týyndap, ol qandy qylmysqa ulasqan.
Bul týraly Infohub.kz aqparat agenttigi habarlaıdy.
Tergeý derekteri boıynsha, kúdikti jábirlenýshiniń bank kartasyndaǵy aqshany kórip, oǵan pyshaqpen shabýyl jasaǵan. Sodan keıin qylmysker jábirlenýshiniń avtokóligin alyp, oqıǵa ornynan qashyp ketti. Zardap shekken azamat aýrýhanaǵa jetkizilip, qajetti medısınalyq kómek kórsetildi.
Jedel áreket jáne qylmyskerdi ustaý
Oqıǵa týraly habarlama túsken boıda polısıa «Ustaý» arnaıy operasıasyn bastap, barlyq patrúldik jasaqtarǵa kúdiktini izdeýge jáne urlanǵan kólikti tabýǵa tapsyrma berdi. Jedel-izdestirý sharalary nátıjesinde kúdiktiniń orny qysqa merzimde anyqtalyp, Raıymbek dańǵyly boıynda ustaldy. Odan qylmysqa qatysty zattaı dáleldemeler tárkilendi.
Tergeý bastaldy
Qazirgi ýaqytta kúdikti ýaqytsha ustaý ızolátoryna qamalyp, atalǵan derek boıynsha sotqa deıingi tergep-tekserý amaldary júrgizilip jatyr. Oqıǵanyń tolyq mán-jaıy tergeý barysynda anyqtalatyn bolady.
-
Mınısterstvo oborony SSHA vyrazılo obespokoennostdeıstvıamı Izraılá, povysıv ýroven ýgrozy do maksımalnogo ız-za podozrenıı v shpıonaje.
-
Aqtaýdaǵy qaıyrymdylyq jármeńkelerinen keıin qalǵan kıim-keshekter qoqys polıgondaryna tasymaldanýda. Bul máseleni sheshý úshin arnaıy qural-jabdyq qajet.
