gosrating
Almatyda qurylys lısenzıalary 5 mıllıonnan satylǵan: Dosaev pen Saǵyntaev tusyndaǵy iri jemqorlyq áshkerelendi
Almatyda qurylys salasyndaǵy iri jemqorlyq sqemasy áshkerelendi. Qarjylyq monıtorıń agenttigi 400-den astam kompanıaǵa zańsyz qurylys lısenzıasyn alyp bergen topty anyqtady. Bul zańsyzdyqtar Baqytjan Saǵyntaev pen Erbolat Dosaev qala ákimi qyzmetinde bolǵan kezeńde oryn alǵan.
Bul týraly Infohub.kz aqparat agenttigi habarlaıdy.
Jalǵan qujattarmen lısenzıa alǵan
Prokýratýranyń úılestirýimen júrgizilgen tergeý barysynda, 2021 jyldan beri qylmystyq top Almaty qalalyq qala qurylysy baqylaý basqarmasynyń qyzmetkerlerimen birlesip jumys istegeni anyqtaldy. Olar arnaıy tehnıka men bilikti ınjener mamandary bar degen jalǵan qujattardy daıyndap, «E-lısenzıalaý» júıesine engizgen.
Osylaısha, 400-den astam mekeme esh kedergisiz birinshi sanattaǵy sáýlet jáne qurylys lısenzıasyn ıelengen. Uıymdastyrýshylar árbir zańsyz lısenzıa úshin 2 mıllıonnan 5 mıllıon teńgege deıin aqsha alǵan.
Burynǵy ákimderdiń qatysy bar ma?
«PISMA PREZIDENTÝ» telegram arnasynyń málimetinshe, bul zańsyzdyqtar 2021 jyldan bastalǵan. Sol kezde Almatyny Baqytjan Saǵyntaev basqarǵan (2019 jyldyń maýsymynan 2022 jyldyń qańtaryna deıin). Odan keıin qala ákimi qyzmetine kelgen Erbolat Dosaev 2025 jyldyń mamyryna deıin jumys istedi.
Qazirgi ýaqytta tintý jumystary júrgizilip, iske qatysty qujattar men zattaı aıǵaqtar tárkilendi. Tergeý jalǵasyp jatyr.
-
Astanadaǵy saýda ortalyǵynda jasóspirimder arasynda bolǵan jappaı tóbeles týraly vıdeo áleýmettik jelide tarady. Polısıa barlyq qatysýshylardyń tulǵalaryn anyqtap, qylmystyq is qozǵaldy.
-
19 jasqa deıingi Qazaqstan quramasynyń qaqpashysy Ýkraınamen ótken irikteý machynda alańnan qýyldy. Bul oıynnyń nátıjesine eleýli áser etti.
