InfoHub Logo

Almaty qalasynda jol qaýipsizdigin baqylaýdyń jańa ádisi engizildi. Endi túnde qalanyń negizgi joldarynda arnaıy ýchaskeler qurylyp, joldyń ótetin bóligi «bótelke moıny» tárizdi taryltylatyn bolady. Bul týraly Almaty qalalyq polısıa departamenti habarlady.

Bul týraly Infohub.kz aqparat agenttigi habarlaıdy.

Jańa júıe qalaı jumys isteıdi?

Polısıanyń túsindirýinshe, mundaı sharalar kólik aǵynyn báseńdetip, júrgizýshilerdi, ásirese mas kúıde kólik basqarýshylardy iriktep tekserýge múmkindik beredi.

«Ótken demalys kúnderi osyndaı beketterdiń biri VOAD-ta jumys istedi. Qozǵalys qaýipsizdigin qamtamasyz etý úshin ýaqytsha jol belgileri ornatyldy: jyldamdyq shekteýi saǵatyna 40-60 shaqyrymǵa deıin, kedergi aınalma joly jáne joldyń tarylýy týraly eskertý», — dep habarlady polısıa.

Bul ádis álemde keńinen qoldanylady jáne «sobrıetı chekpoıntteri» nemese jol baqylaý beketteri retinde belgili. Munda kólikterdi nemese barlyǵyn, ne belgili bir algorıtm boıynsha (mysaly, ár ekinshi nemese úshinshi kólik) toqtatady. Bul tekserýlerdi júıeli ári obektıvti etýge kómektesedi.

Halyqaralyq tájirıbe

Eýropa elderinde mundaı reıdter kóbinese mas júrgizýshilerdi anyqtaýǵa baǵyttalǵan jáne tıimdi aldyn alý sharasy bolyp sanalady. Zertteýler joldardaǵy turaqty tekserýlerdiń apattar men buzýshylyqtardy azaıtatynyn kórsetedi.

Bul júıede jol konýstarmen nemese ýaqytsha qorshaýlarmen taryltylady, kólikter baıaý bir baǵytta qozǵalady, al polısıa qyzmetkerleri kezektesip júrgizýshilerdi tekseredi. Kóptegen júrgizýshiler kúdik týdyrmasa, nebári birneshe sekýndqa ǵana ustalady.

Mundaı sharalardyń basty maqsaty – jappaı aıyppul salý emes, kerisinshe, únemi baqylaýda bolatyny týraly sezimdi qalyptastyrý. Bul júrgizýshilerdiń minez-qulqyn ózgertip, qaýipti manevrler men buzýshylyqtardy azaıtady.

Reıdterdiń nátıjeleri

Aıta keteıik, osy aptada Almaty men oblysynda aýqymdy tekserýler júrgizildi. «Stop-narýshenıe» operasıasynyń bes kúninde Almatyda 9820 quqyq buzýshylyq anyqtaldy. Onyń ishinde 43 jaǵdaıda júrgizýshiler mas kúıde kólik basqarǵan, 78 júrgizýshide júrgizýshi kýáligi bolmaǵan, al 12 júrgizýshi buryn kólik júrgizý quqyǵynan aıyrylǵan. Sondaı-aq, jalǵan memlekettik nómirlerdi qoldanǵan 14 derek jáne qarsy jolaqqa shyqqan 36 jaǵdaı tirkeldi.

3 666 kólik aıypturaqqa qoıyldy.