InfoHub Logo

Almatyda Rozybakıev kóshesindegi kafege tıesili zańsyz salynǵan jazǵy terasa buzyla bastady. Bul týraly qalanyń qala qurylysyn baqylaý basqarmasy habarlady.

Bul týraly Infohub.kz aqparat agenttigi habarlaıdy.

Jospardan tys tekserý barysynda mamandar nysannyń tıisti ruqsat qujattarynsyz, turǵyn emes úıge qasbetinen qosymsha qurylystar salynǵanyn anyqtaǵan. Sondaı-aq, nysandar paıdalanýǵa berý aktisinsiz qoldanylǵany belgili boldy.

Qurylys buzylýda

Tekserý aktisin alǵannan keıin nysan ıesi buzýshylyqtardy óz erkimen joıýǵa kirisip, qurylysty buzý jumystaryn bastaǵan. Qazirgi ýaqytta qosymsha qurylystardyń biri tolyqtaı alynyp tastaldy, ekinshisin buzý jumystary jalǵasýda.