InfoHub Logo

Almaty qalasynda sýdy tutyný men kanalızasıa júıelerine qatysty jappaı tekserý bastaldy. Bul sharalardyń negizgi maqsaty – sýdy urlaýdy jáne tıimsiz paıdalanýdy anyqtap, sý resýrstaryn únemdeý.

Bul týraly Infohub.kz aqparat agenttigi habarlaıdy.

Energetıka jáne sýmen jabdyqtaý basqarmasynyń habarlaýynsha, qaladaǵy sý paıdalaný salasynda tártip ornatý jáne resýrstardy esepke alýdy jaqsartý úshin qalalyq ınventarızasıa aıasynda tekserý jumystary júrgizilýde.

Tekseriletin nysandar

«Almaty Sý» SHJQ MKK mamandary sýmen jabdyqtaý jáne sý burý erejeleriniń saqtalýyn tekserip jatyr. Olar ásirese, sýdy zańsyz paıdalaný, eseptegishterge aralasý jáne sýdy az kórsetý jaǵdaılaryna basa nazar aýdarýda. Sonymen qatar, ınjenerlik jelilerdiń tehnıkalyq jaǵdaıy da baǵalanýda. Tekseristerdi jeńildetý úshin qala arnaıy ýchaskelerge bólinip, mobıldi toptar jumys isteýde.

Qaýipti aımaqtaǵylar

Sýdy kóp tutynatyn iri nysandarǵa erekshe nazar bólinýde. Olardyń qatarynda avtojýyndar, monshalar, meıramhanalar, saýda ortalyqtary jáne ónerkásip oryndary bar. Bul uıymdar úshin sýdy qaıta paıdalaný júıeleri men jergilikti tazartý qondyrǵylary mindetti bolyp sanalady.

Qandaı buzýshylyqtar anyqtaldy?

Alǵashqy aptalardyń qorytyndysy boıynsha 100-den astam buzýshylyq anyqtaldy. Olar:

Zań buzǵandarǵa qatysty zańnamaǵa sáıkes sharalar qoldanylady. Bul tutynylǵan sýdy qaıta esepteýden bastap, qyzmet kórsetýdi shekteý nemese tolyq toqtatýǵa deıin qamtıdy.

Jyl basynan beri 29 avtojýysh sýdy qaıta aınalymǵa engizý júıesin alǵash ret ornatsa, taǵy 78 nysan turmystyq tarıfterden komersıalyq tarıfterge aýystyryldy. Sonymen qatar, ınjenerlik jelilerge 20-dan astam óz betinshe qosylý jaǵdaıy anyqtaldy.

Esterińizge sala keteıik, 2025 jyldyń shildesinen bastap Qazaqstanda jańartylǵan Sý kodeksi kúshine endi. Ol tabıǵı resýrstardy anaǵurlym utymdy paıdalanýdy kózdeıdi. Sýdy eń kóp tutynatyn nysandarmen jumys isteý negizgi baǵyttardyń biri bolyp tabylady.