Photo: Bayar Bayar (https://www.pexels.com/@bayar-bayar-631990811) / Pexels
Almatydaǵy reseılik qyzdyń vıdeosy: «Ózimdi Reseıdegi ózbek sıaqty sezindim» degen sózi jelini shýlatty
Almatyǵa kelgen reseılik azamatshanyń SON men bankterdiń jumysyna qatysty aıtqan shaǵymy áleýmettik jelilerde keńinen talqylanyp jatyr.
Jelide taraǵan vıdeoda boıjetken bank kartasyn ashý úshin birneshe kún boıy SON men bank aralap júrgenin aıtyp, ashýǵa býlyǵypty. Onyń aıtýynsha, bank qyzmetkerleri aldymen Qazaqstanda jeke sáıkestendirý nómirin (IIN) rásimdeý qajettigin túsindirgen.
Vıdeoda ol emosıaǵa berilip, beıádep sózder qoldanǵanymen, kópshiliktiń nazaryn aýdarǵany – «Ózimdi Reseıdegi ózbek sıaqty sezindim» degen sózi boldy.
Bul pikirdi jeli qoldanýshylary basqa ult ókilderin kemsitý, ózin ózgelerden joǵary qoıý retinde qabyldady. Kóptegen qazaqstandyqtar shetel azamattaryna arnalǵan talaptardyń barlyǵy zań aıasynda júzege asatynyn, IIN rásimdeý – qalypty prosedýra ekenin atap ótti.
Keıbir pikir bildirýshiler muny shetelde búrokratıaǵa tap bolǵan adamnyń emosıasy dep túsinse, endi biri mundaı sózder men qarym-qatynas mádenıetke jáne qoǵamǵa degen qurmetsizdik ekenin aıtýda.
Aıta keteıik, Qazaqstanda shetel azamattaryna bank kartasyn rásimdeý úshin IIN alý – mindetti talaptardyń biri.
-
Lıdery Kıtaıa ı SSHA provelı vstrechý, na kotoroı obsýdılı predotvrashenıe konflıkta mejdý velıkımı derjavamı ı postroenıe novoı modelı vzaımootnoshenıı.
-
Izvestnyı ımam Nýrlan Baıjıgıtýly vpervye opýblıkoval semeınye fotografıı, vyzvav vosqıshenıe svoeı sýprýgoı.
