InfoHub Logo

Almatydaǵy «Shaıtan bazar» satýshylary bireýlerdiń «kıno túsiremiz» degen jeleýmen keńes dáýiriniń jádigerlerin urlap ketkenin aıtyp, alańdaýly. Bul jaǵdaıdan keıin olar kıno túsirýshilerge kelgende asa saqtyq tanytady. Tipti, arzanǵa satylyp jatqan zattardy da árkim qalaǵanynsha baǵasyn túsirip alǵysy keletinine nalyǵan satýshylar bar.

«Ánshi men ártister tym arzanǵa suraıdy. Kıno túsirýshiler kelgende, baǵany jerge urýǵa tyrysady», – deıdi satýshy Aspandıar.

Bul týraly Infohub.kz aqparat agenttigi habarlaıdy.

Bazardyń tarıhy men tynys-tirshiligi

Almatylyqtar bul saýda ornyn «shaıtan bazar» nemese «bıt bazar» dep te ataıdy. Buryn qazirgi Halyq Arena ornynda «Katalızator» saýda orny bolǵanda, osy bazar senbi-jeksenbi kúnderi jumys istepti. 2015 jyly «Jetisý» bazary ashylǵan soń, bazar osy jerge kóshirilgen. Dástúr boıynsha, eski-qusqy zattar tek senbi-jeksenbi kúnderi satylady.

Satýshylardyń kóbi – zeınetkerler. Olar úıindegi artyq zattaryn ákelip satyp, nápaqa tabady. Arasynda jumyssyz júrgender de bar.

Qosymsha tabys kózi

Erkin esimdi satýshy osy bazarda on jyldan beri jumys istep, qosymsha tabys taýyp júrgenin aıtady. «Táýba. Bolady. Kóp adamdar kelip, úıindegi eski zattaryn ótkizip ketedi. Keńes dáýirindegi zattar sý tegin satylyp jatyr. Senbi, jeksenbi kúnderi jeti-segiz myń teńge taýyp ketemin. Qystygúni aıazda bazarǵa kim keledi? Jazda da adam kóp kele bermeıdi. Kóktem men kúzde kóbirek keledi. Bul bazarda saýda jasap, baıyp ketpeıtiniń anyq. Tek nan men shaıyń bolady», – deıdi ol.

Týrısik ortalyqqa aınalý múmkindigi

Erkin bazardyń antıkvarıat satylatyn týrısik orynǵa aınalǵanyn qalaıdy. Sońǵy kezderi sheteldikter bul jerge jıi bas suǵatyn bolǵan. «Sheteldikter jaqsy alady. Tósbelgilerdi, dúrbilerdi, jalpy, unatqanyn alyp jatady. Sheteldik týrıser eski zattarǵa qatty qyzyǵady. Fransıa, Germanıa sekildi elderde de mundaı bazarlar damyǵan. Jergilikti bılik organdary kómek qolyn sozyp, saýda oryndaryn tartymdy etip jasaıdy eken», – deıdi satýshy.

Onyń aıtýynsha, mundaı bazarlar Eýropada týrısik ortalyqqa aınalǵan. Qazaqstanǵa keletin týrıserdi Stalın men Lenınniń portretteri, keńes dáýirindegi zattar, sosıalısik realızm týyndylary qyzyqtyrady.

Qoljetimdi kıim-keshek

Bul jerde kóne jádigerlermen qatar, eski turmystyq zattar men kıim-keshekterdi de tabýǵa bolady. Satýshy Aıgúldiń aıtýynsha, paıda bolǵan soń saýda jasap turady. «Saýdanyń júrýi taýaryńyzǵa baılanysty. Ótimdi bolsa, paıda tabýǵa bolady. Negizinen, temir-tersek satamyn. Qazir qystyń kezi. Tat basady dep shyǵarmaımyz. Sondyqtan qazir eski kıimderdi satyp jatyrmyz», – deıdi ol.

Onyń sózinshe, qoly qysqa nemese ýaqytsha qıyndyqqa tap bolǵan adamdar osy bazardan arzan baǵamen kıine alady. «Qazir bári qymbat. Sondyqtan eski kıimderdi satyp alady. Bazar tek senbi-jeksenbi kúnderi isteıdi. Turaqty istegenin qalaımyz. Biraq satýshylar da, satyp alýshylar da osyǵan úırenip qalǵan. Jumys kúnderi basqa jumys isteımiz. Senbi, jeksenbi qosymsha tabys tabýǵa shyǵamyz», – deıdi Aıgúl.