InfoHub Logo

Almatyda mektep bitirýshilerdiń sońǵy qońyraý merekesin atap ótý kezinde uıymdastyrylǵan avtosherý tártipsizdikke aınalyp, polısıanyń aralasýyna sebep boldy. Bul týraly Ulysmedia.kz habarlady.

Qala mektepteriniń birindegi oqýshylar, qala aýmaǵynda mundaı sherýlerge tyıym salynǵanyna qaramastan, avtokólikterdiń legin quryp, qala kóshelerimen júrip ótti. Bul áreket saldarynan 21 kámeletke tolmaǵan oqýshynyń ata-analary jaýapqa tartyldy. Sonymen qatar, avtokólikterdi paıdalaný erejelerin buzǵany úshin bes ákimshilik hattama toltyrylyp, kólikter aıypturaqqa qoıyldy.

Polısıa eskertý jasady

Almaty qalalyq polısıa departamenti ákimshilik polısıa basqarmasynyń bastyǵy Abdınýr Tasybaevtyń aıtýynsha, polısıa buǵan deıin mundaı avtosherýlerdiń, ásirese kámeletke tolmaǵandar qatysatyn jaǵdaılardyń zańsyz ekenin eskertken bolatyn. Alaıda, keıbir azamattar zań talaptaryn elemegen. Polısıa mundaı jaǵdaılarǵa qatysty qatań shara qoldanylatynyn málimdedi.

Bılik ókilderi ata-analar men mektep bitirýshilerdi merekeni qaýipsiz jaǵdaıda toılaýǵa jáne jol erejelerin saqtaýǵa shaqyrdy.

Merekelik sharalarǵa qoıylǵan shekteýler

Bıyl QR Oqý-aǵartý mınıstrligi men İshki ister mınıstrligi atestat tabystaý jáne vypýsk keshteriniń tek mektep aýmaǵynda ótýi kerektigin taǵy da eske saldy. Restorandarda, kotejderde nemese basqa da banket zalynda merekelik is-sharalar ótkizýge tyıym salynǵan. Degenmen, ata-analar bul shekteýlerge qaramastan, merekege daıyndyqty qyzý júrgizip jatqany baıqalady. Almaty, Astana jáne Shymkent qalalaryndaǵy banket zaldarynyń kóbisi qazirdiń ózinde tolyqtaı brondalǵan.