InfoHub Logo

Ánshi Altynaı Jorabaeva otbasyndaǵy úlken qýanyshymen bólisti. Óner ıesiniń qyzy turmysqa shyǵyp, bolashaq qudalarymen tanysty. Bul jańalyqty ánshi óziniń áleýmettik jelidegi paraqshasynda jarıalady.

Bul týraly Infohub.kz aqparat agenttigi habarlaıdy.

Otbasylyq qýanysh

Altynaı Jorabaeva jazbasynda: "Balapandarymyzǵa Taǵdyrdyń tartýy tek TÁTTİ bolsyn. Kóp nárse aıtqym da, jazǵym da kelip tur. Balańnyń árbir qýanyshy – ata-ana úshin myń ese qýanysh. Tátti sháı táttilermen bastaldy. Aq kóńil, adal nıetpen aq dastarhan basynda bas qosyp, bolashaq qudalarymyzben tanysyp, kóńilimizdi birlep aldyq, shúkir", – dep jazdy.

Jańa ómir bastaýy

Ánshi bolashaq qudalarymen kezdesýdi ómiriniń jańa kezeńiniń bastaýy dep atap ótti. "Ómirimizdiń “QUDA-QUDAǴI” degen asýy bastalǵaly jatyr, buıyrsa. Ár beles, ár sát – baqyt. Ósirip otyrǵan ul-qyzdarymyzdyń tek qyzyǵyn kórýdi násip et Allahym", – dep tilegin jetkizdi.

Altynaı Jorabaeva oqyrmandaryn da jas jubaılarǵa baqyt tileýge shaqyrdy. "Artyq sóz jazbaı, aq jarma tilekterińizdi jazyp, balapandarǵa baqyt tilep qoıyńyzdarshy. Óıtkeni, eselep ózderińizge qaıtady. Juǵysty bolsyn", – dep sózin qorytyndylady.