Photo: Ayazhan (https://www.pexels.com/@ayazhan-3173683) / Pexels
Altynbek Sársenbaevtyń ólimine 20 jyl: Nazarbaevqa qatysty tyń derekter jarıalandy
20 jyl buryn, 11 aqpanda memleket jáne qoǵam qaıratkeri Altynbek Sársenbaev, onyń kúzetshisi Baýyrjan Baıbosynov jáne júrgizýshisi Vasılıı Jýravlev qaza tapty. Osy dataǵa oraı saıasatkerdiń jaqyndary jańa málimdeme jasap, isti qaıta qaraý máselesin kóterdi.
Bul týraly Infohub.kz aqparat agenttigi habarlaıdy.
Sársenbaevtyń týystary Qazaqstan Respýblıkasynyń Bas prokýroryna qylmystyq isti «jańadan ashylǵan mán-jaılar» negizinde qaıta jandandyrý týraly ótinish joldady. Olar tergeý men sot barysynda óreskel zańbuzýshylyqtar bolǵanyn jáne keıbir mańyzdy jaıttarǵa tıisti baǵa berilmegenin aıtady.
Ótinishtiń mazmunynda is materıaldaryna qatysy bar aýdıojazbaǵa silteme jasalǵan. Jazbada Nursultan Nazarbaevqa tıesili delingen: «İs boıynsha bári dáleldengen, alańdaýdyń qajeti joq, bir aıdan keıin sotqa beriledi, halyq búgin aıtady da, erteń umytady» degen sózder bar.
Sársenbaevtyń jaqyndary bul jaıt sot úkiminiń aldyn ala belgilengenin meńzeıdi. Olardyń aıtýynsha, sot bastalmaı turyp-aq sheshim qabyldanyp qoıǵan, al sot prosesi tek qoǵam nazaryna arnalǵan kórinis bolǵan.
Nazarbaevty jaýapqa tartý talaby
Týystar bul aýdıojazbanyń ózi úkimdi qaıta qaraýǵa negiz bola alatynyn alǵa tartady. Olardyń pikirinshe, osy másele boıynsha Qazaqstannyń Tuńǵysh Prezıdenti Nursultan Nazarbaev jaýapqa tartylýy tıis.
Sársenbaevtyń jaqyndary bul qylmysty «saıası terror aktisi» dep baǵalap, eks-prezıdenttiń otbasy múshelerin de qylmystyq jaýapkershilikke tartý máselesin kótergen.
-
V Atyraýskoı oblastı ýtverjdeny novye, bolee nızkıe tarıfy na komýnalnye ýslýgı. Ýznaıte, kak eto povlıaet na vashı rasqody.
-
Relatives of assassinated politician Altynbek Sarsenbayev are demanding a reinvestigation, citing new evidence and alleged involvement of former President Nursultan Nazarbayev.
