InfoHub Logo

Mańǵystaý oblysy, Túpqaraǵan aýdany, Fort - Shevchenko qalasy,
"Balbóbek" balabaqshasynyń İ sanatty eresekter tobynyń tárbıeshisi
Shýkırbaeva Gýljan Amankosovna

Maqsaty: Balalarǵa kóktem týraly, 8 naýryz merekesi týraly túsinik berý, otbasyndaǵy ananyń ornyn, anaǵa degen qurmetti uǵyndyrý, ana men balanyń arasyndaǵy baılanysty barlyq janrlar boıynsha kórsetý. Otbasyna, týystaryna degen meıirimdilik, qamqorlyq qundylyqtyryna tárbıeleý, dostyqqa, uıymshyldyqqa baýlý.
Júrgizýshi:
Jarqyn júzdi jan anam
Sendeı bolsyn bar adam!
Sendeı bolsa bar adam,
Shattyq ketpes baladan.
Sendeı bolsa bar kisi
Sheksiz perzent alǵysy.
- Qurmetti, qadirli analar, merekelerińiz qutty bolsyn! Sábılerińiz sizderge tek qýanysh pen shattyq syılasyn! Búgingi merekelik erteńgilikti sábılerińiz «Mama»bıimen bastamaqshy. Qabyl alyńyzdar, qurmetti de aıaýly analar.
Bı: «Mama».
Al endi, «Baldáren»tobynyń balalary arý qyzdarymyzdy oryndaryna otyrǵyzady.
Tobymyzdyń eń aqyldy arýy: Kamıla.
Tobymyzdyń eń súıkimdi arýy: Anel.
Tobymyzdyń eń bilimdi arýy: Nuraı.
Tobymyzdyń eń ádemi arýy: Janerkem.
Tobymyzdyń erke qyzy: Alfıra.
Tobymyzdyń ánshi qyzy: Arýjan.
Tobymyzdyń eń symbatty arýy: Elına.
Tobymyzdyń eń bıshi qyzy: Káýsar.
Tobymyzdyń eń batyl qyzy: Perızat.
Tobymyzdyń sypaıy arýy: Fatıma.
Tobymyzdyń sýretshi arýy: Nazym.
Tobymyzdyń sabyrly arýy: Dana.
Tobymyzdyń bıshi arýylary: Aıaýjan men Albına.
Tobymyzdyń salmaqty arýy: Ásemaı.
Án: «Baldyrǵandar áni».
Janerkem:
Ana degen ómirdegi uly esim
Baq tilese anadaı - aq tilesin
Ana degen ardaqty at sen ony
Ana jaıly án tyńdasaq bilesiń.
Nazym:
Bizdi ósirip baptaǵan
Jaqsy bolsaq shattanǵan
Altynym dep maqtanam
Aınalaıyn aq mamam
Aq júrekte saqtaǵan
Jarqyn júziń baq maǵan
Aq betińnen súıemin
Kelshi, kelshi aq mamam
Bekjan:
Merekesi búgin
Altyn anamnyń
Syılaıynshy gúlin
Jarqyn dalamnyń
Kúlimdegen kózi
Kúnniń nuryndaı
Ulym degen sózi
aqyn jyryndaı.
Fatıma:
Anam meniń súıiktim
Tek ózińe tabynam
Qasymda júrseń bıikpin
Alystasań saǵynam
Anań bolsa qasyńda
Basqa baqyt ne kerek
Analardyń júregi
Meıirimdi ǵoı keremet.
Kórinis: «Óz anańnan artyq jan joq»
Júrgizýshi:
Ertede me, búgin be
Bolypty bir oqıǵa
Óte qyzyq ózi de
Salaıyn ony ortaǵa.
Balalar: Aıtyńyzshy, qazir aıtyńyz.
Júrgizýshi:
Munda biraq bir oı bar
Senderge bolsyn bul sabaq
Ókpe artý jaramas
Eshkimge ol jaraspas.
(Kórinis bastalady. Ákesi oryndyqta gazet oqyp otyr, ájesi qasynda demalyp jatyr, anasy kir jýyp, balasy men qyzy oınap otyrady. Osy kezde anasynyń telefony shyryldaıdy.)
Anasy: (telefondy alyp)
Sálem, janym Altynaı,
Haliń qalaı, qalqam - aı,
Úıge kelip ketesiń be,
Keshke deıin jetesiń be?
Balalar:(qoldarynda kitap)
Oınaýdan biz jalyqtyq
Ertegi oqyp beresiz be?
Anasy:Tynyshymdy almashy,
Ákelerińe barsańshy.
Áńgimesin ári qaraı jalǵastyryp:
Kóılek aldym deısiń be,
Ádemi me, kıdiń be?
Balalar: Áke, bizge qarashy, dop oınashy bizbenen, kınoǵa bizdi aparshy.
Ákesi: Búgin qolym bos emes, fýtbolǵa ketip baramyn. Múmkin erteń bos bolsam, sendermen birge oınarmyn. Al serýendeý týraly, ápkeleriń Jaınaǵa aıta salsań bolǵany.
Balalar: Jaına ápke, búgin sen, sýret salyp berersiń.
Jaına: Qazir mine baýyrym, ınstıtýtqa kerek barýym. Keshke tanys jigitpen, kınoǵa birge baramyn. Ýaqytym joq bir mınýt.
Balalar: Ózimiz qaldyq, ne isteımiz?
Júrgizýshi: Baıyz taýyp bir orynda, otyrǵysy kelmeıdi. Qydyrtpady esh bireýi, ákesi men anasy, ápkesi men ájesi. Aıańdarshy bulardy, sýret salyp berińizder, kitap oqyp kórińizder.
(balalarǵa qarap bylaı deıdi)
- Úıde eshkim joq bolsa, ne isteý kerek mundaıda?
Balalar: Oılanýmen otyrmyz, ne isteý kerek bilmeımiz.
Júrgizýshi: Mende qyzyq bir oı bar, múmkin senderge jańadan, basqa ana izdermiz.
Balalar: Jańa ana izdeýge, biz daıynbyz qazirden, oınasynshy bizbenen.
Júrgizýshi:
Bizdiń tanys qos bala
İzdep kelsin jas ana
Osy ýaqytty paıdalanyp
Án aıtaıyq jaıqala.