InfoHub Logo

Bilim salasy: Tanym
Bólimi: Qorshaǵan ortamen tanystyrý
Maqsaty: Ormandaǵy ańdardyń tirshiligimen olardyń qysqy tabıǵatqa beıimdelýi týraly túsinik berý. Balalardyń ańdardy sıpattaýǵa salystyra bilýge jattyqtyrý tilin damytý, sózdik qoryn baıytý.
Ádis tásilderi: Áńgimeleý, suraq - jaýap, sergitý sáti, oıyn, toptastyrý.
Kórnekiligi: Orman, orman ańdarynyń sýretteri, úntaspa.
Motıvasıalyq qozǵaýshylyq
Balalar, búgin kún qandaı keremet, erekshe kún. Qane barlyǵymyz bir - birimizge jylý, kóterińki kóńil syılaı otyryp, kelgen qonaq apaılarmen sálemdeseıik.
Appaq, appaq qar appaq,
Qar jamylǵan dala appaq
Shuǵylasyn shashatyn
Araılanǵan tań appaq.
Sálemetsizder me, apaılar!
Qazir jyldyń qaı mezgili?
Qys mezgili.
Qys mezgilinde aýa raıy qandaı bolady?
Qys mezgilinde kún salqyn, aıaz bolady.
Durys aıtasyńdar.
İzdený uıymdastyrýshylyq:
Tosyn sát: Esik qaǵylyp ishke Masha kiredi.(Qolynda sebeti bar )
Masha: Sálametsizder me, balalar!
Sálemetsiz be!
Masha: Oı, balalar men Aıý dosymdy tabalar emespin, ormannyń bárin izdedim, taba almadym. Maǵan aıýdy izdep tabýǵa kómektesesińder me?
Ia, kómektesemiz.
Tárbıeshi: Oı, balalar mynaý aıý men Masha ertegisindegi Masha ǵoı. Qosh keldiń, tórge shyq. Balalar sender Mashanyń dosy Aıýdy bilesińder me?
Ia, bilemiz.
Taǵy da qandaı ańdardy bilesińder?
Qoıan, túlki, qasqyr.
Al osy jabaıy ańdar qaıda ómir súredi?
Ormanda ómir súredi.
Durys aıtasyńdar, balalar!
Endeshe men senderge jumbaqtar jasyraıyn, sender sheship kórińder.

1. Ózi bir qý
Júrgen jeri aıqaıda shý. (Túlki)

2. Qorbań - qorbań etedi.
Orman onyń mekeni
Tátti balǵa toıyp ap
Qysta uıqyǵa ketedi
Ol ne, balalar? Aıý.

3. Kóleńkesinen qorqyp bezekteıdi
Al onyń balasyn «kójek» deıdi.
Bul ne balalar? Qoıan.
- Durys taptyńdar balalar, bulardyń barlyǵy da orman ańdary eken.
Slaıd:
Qanekeı balalar barlyǵymyz taqtaǵa qaraıyqshy: Men senderge jabaıy ańdardyń qysty qalaı ótkizetini týraly áńgimelep bereıin. Al, osy orman ańdary jyldyń ár mezgilinde ózderiniń yńǵaıyna qaraı ázirlik jasap, qarsy alady eken. Qysta jeıtin azyqtaryn jaz boıy jınap alady. Mysaly: Aıý jaz boıy denesine maı jınap, qys boıy apanda uıyqtap jatady, kóktem shyǵa oıanady. Jabaıy aralardyń balyn jeıdi. Al, qoıan bolsa qysqa azyq jınamaıdy, ormandaǵy aǵash butaqtaryn, qabyqtaryn, qýrap qalǵan shópterdi qorek etedi eken, sonymen birge qoıan neni jaqsy kóredi?
Qoıan sábizdi jaqsy kóredi.
Al endi túlki - jaqsy ıis sezgish ań. Ol qar astyndaǵy tyshqandardy aýlap qorek etip, jeıdi eken. Sóıtip jabaıy ańdar qys boıy azyqtaryn ózderi taýyp qorektenedi. Mine balalar osy ormanda meken etetin qandaı ańdar bolsa da olarǵa qamqorlyq jasaýymyz kerek eken. Olardy bosqa óltirýge bolmaıdy, olardyń da sender sıaqty kishkentaı balalary bar.
Balalar, muqıat zer sala tyńdady.
- Qanekeı, barlyǵymyz ornymyzdan turyp, Mashamen birge boıymyzdy sergitip alaıyq.
Aıý qusap qorbańdap,
Túlki qusap sylańdap
Qoıan bolyp sekirip,
Ornymyzdy tabaıyq.
Jaraısyńdar, balalar!

Dıdaktıkalyq oıyn: «Anasyn tap».
Mine analary sýretterdi qoıý al balalary adasyp qalypty, qane analaryn taýyp bereıikshi. Kim tabady balalar?
Balalardyń jaýaby.
Durys taptyńdar, balalar! Qane, osy ańdardyń balalarynyń attaryn qaıtalap aıtaıyqshy?
Aıýdyń balasy - qonjyq.
Túlkiniń balasy - myrsha.
Qoıannyń balasy - kójek.
Jaraısyńdar, balalar!
Masha: - Rahmet, balalar mynaý senderge syılyq. Men endi úıime qaıtaıyn, saý bolyńdar, balalar.
- Saý bolyńyz, Masha.

Refleksıvti túzetýshilik
Qımyldy oıyn: «Ańshy men qoıandar».
Maqsaty: Balalardy shapshańdyqqa, ańǵarympazdyqqa baýlý.
Balalar oıyndy asa qyzyǵýshylyqpen oınaı bildi.
Búgingi ashyq uıymdastyrylǵan oqý is - áreketine barlyqtaryńda jaqsy qatystyńdar. Kelgen apaılarǵa qosh saý bolyńyz aıtaıyq.
Kútiletin nátıje:
Bilý kerek: Orman ańdary: Qoıan, Túlki, Aıý ekendigin bildi.
Túsinedi: Orman ańdarynyń qysqy tirshiligin týraly túsindi..
Qoldana biledi: Suraq - jaýap, oıyn barysynda.