Aq bata
Bir kúni tańerteńgilik qoı órgende Balpyqtyń zaıyby Sulýshash malǵa barsa, eń sońynda malǵa ilespeı, qaıta-qaıta mańyrap, malynyń basy kókqasqa qoshqar turyp apty. Sulýshash kúndigin salyp jiberip, jetelep kep úıinde qonaq bolyp otyrǵan Eskeldiden bata surapty.
Eskeldi bı beldigin moınyna bos tastap:
— Iá, Qudaı, meni shyn Eskeldi ǵyp jaratqan bolsań, keler jyldyń osy ýaǵyna qaratpaı, Balpyqqa osy kókqasqa qoshqardaı ul ber! — dep bata jasapty.
Keler jyly Balpyqtyń baýyrlary «shúıinshi» surap aldymen Eskeldige kelgen eken, ol úsh bestilik nar túıe jeteletipti. Ózi jora joldastarymen «baýy berik bolsyn» aıta kelip:
— Ósken aýyl edik, Qudaı bizdiń jolymyzdy bersin! — dep sábıge óz ákesi Jylkeldiniń atyn beripti.
Áıgili kolhoz qurylysynyń qaıratkeri, eki dúrkin Sosıalısik Eńbek Eri ataǵyn alǵan Aldabergenuly Nurmolda marqum sol Jylkeldiniń shóberesi kórinedi.
-
Qazybektiń on bir, on eki jastardaǵy kezi bolsa kerek. Jas ta bolsa onyń júris-turysynan, sóılegen sózinen sol kezdegi el jaqsylary úmitker bola bastapty. Sondyqtan olar saparǵa kerýen shyqsa, &laqu...
-
Atadan balaǵa mura bolyp kele jatqan Ótegen batyrdyń — Múıizdi atamyzdyń shubar tegenesi tarıhtyń tylsym túpkirinen kóp syr shertedi. Kezinde uly tulǵa týraly kóp zerttep, kóp derekter qaldyrǵa...
