InfoHub Logo

Atyraý oblysy Jangeldın aýylynda bolǵan oqıǵaǵa qatysty negizgi kúdiktilerdiń biri Sultan Sársemálıevtiń anasy, kelini Aqbaıan Muqanǵalıevaǵa qatysty tyń málimetterdi jarıa etti. Ol quqyq qorǵaý organdarynyń keıbir jaıttardy burmalap, jaǵdaıdy tolyq túsinbeı otyrǵanyn aıtty.

Anasynyń sózinshe, kelininiń shashyn tyqyrlap alý turmystyq zorlyq-zombylyqpen eshqandaı baılanysy joq. Jýrnalıs Rýslan Ótepbaıdyń «Kelinniń shashyn ne sebepti aldyńyzdar?» degen suraǵyna ol aldymen kelininiń densaýlyǵyna baılanysty másele týyndaǵanyn aıtty.

«Kelinniń ústi-basyna jara túsip ketti. Bıttep ketti. Amal joq, tyqyrlap alyp tastadyq. Ózim ruqsat berdim. “Sultan, shashyn alyp tasta! Túnimen basyn qasyp, jara qyldy. Jaımasynyń bári jaranyń qabyǵynan kórinbeıdi. Balalarǵa juǵyp júrer” dedim», – deıdi ol.

Onyń aıtýynsha, bul sheshim zorlyq-zombylyqtan emes, gıgıenalyq sebepterden qabyldanǵan. «Sultan qıa almady. Qansha degenmen súıip qosylǵan kelinshegi ǵoı. Biraq jaz mezgili, dýsh bar. Aqbaıan ózi qarsy bolǵan joq, qaıta rahattanyp qaldy. Basyn jýyp, tazalap berdim. Qan quıylǵannan reaksıa berip turǵan. Polısıa ony basqasha túsindi. “Nege aldyńyz shashyn?” dep, kúıeýinen taıaq jep, shashyn alyp tastaǵan dep oılaıdy. Aralary jaqsy boldy, kıkiljiń bolǵan joq», – dedi kúdiktiniń anasy.