Shyn aqyl,
Bir maqul,
Túsirdi oı maǵan.
Maqsutyń,
Yndynyń
Erkin ǵoı saǵan.
Jaralystyń bergen erki sol,
Talap et sen taza jol.

Buzyqqa
Qyzyqpa,
Yndynyńdy týra jolǵa sal.
Jetseń de,
Ketseń de,
Maqsatyńdy buzba, osyny uǵyp al!

Bul ómir
Eki aıyr
Ózendeı aǵar,
Seń qaqqan
Ár jaqtan
Kez keler qaǵar.
Taza joldan taımaı barǵanyń –
Jetpeseń de, alǵanyń.

Qubylsań,
Buzylsań.
Ne qyzyǵyp, ne ımenýmen.
Qaıta almaı,
Baıqalmaı,
Sebepke erip, jetektelip óldiń sen.

Mine erkiń,
Shyn kórkiń.
Yndyndy tańba.
Bolmasqa,
Tolmasqa
Maqsutty salma!
Talabyńdy sebep bılese,
Jansa, meıli, kúımese,

Ie bol,
Týra jol
Berdi habar anyq. Aqyl, nan.
Tereń oı,
Yńdyn qoı,
Muny tabar sezimi oıaý, esti jan.

---