InfoHub Logo

Bir ash qasqyr tamaq izdep shyǵady. Jolda bir eshkige kezdesedi de:

— Men seni jeýim kerek, — deıdi. Eshki jalynady:

— Meni jegennen saǵan paıda joq, kórmeısiń be, aryqpyn. Úıde semiz laǵym bar, sony alyp kelip bereıin.

Qasqyr kelisedi. Eshki júgirip ketip qalady. Qasqyr kútip-kútip, eshki kelmegen soń taǵy júrip kele jatyp qoıǵa kezdesedi.

— Men seni jeımin!

— Menen basqany jeýge bolmaı ma? Men ataqty bıshimin ǵoı, meni óltirgeniń uıat bolady.

Qasqyr tańdanady:

— Jaqsy, bıleısiń be? Qane, maǵan bılep kórsetshi.

— Qoı bıleı bastaıdy da birte-birte alystap, qashyp ketedi.

Qasqyr ashýlanyp, taǵy jol júredi. Endi at kezdesedi.

— At, men seni jeımin!

— Sen meni jeı alar ma ekensiń?!

— Qalaısha jemeımin? — deıdi qasqyr.

— Meniń quıryǵymnyń astynda jazylǵan hat bar, sony alyp qara, sonda bilesiń.

Qasqyr attyń art jaǵyna shyǵyp qaraıyn dep jatqanda, at mańdaıǵa teýip qalady. Qasqyr qańq etip qulap túsedi.

---