InfoHub Logo

Qazaqstandy dúrliktirgen Aqnárdiń ólimine qatysty is boıynsha mańyzdy ózgeris boldy. Buǵan deıin Sybaılas jemqorlyqqa qarsy is-qımyl agenttiginiń qaraýynda bolǵan qylmystyq is endi İshki ister mınıstrligine qaıtaryldy.

Bul týraly Infohub.kz aqparat agenttigi habarlaıdy.

İstiń qaıta qaralý sebebi

İshki ister vıse-mınıstri Sanjar Ádilov jýrnalıserdiń suraǵyna jaýap berip, istiń nege uzaqqa sozylǵanyn túsindirdi. Onyń aıtýynsha, is alǵashqyda İshki ister organdarynyń quzyretinde bolmaǵan. Tergeý materıaldary Bas prokýratýranyń sheshimimen Sybaılas jemqorlyqqa qarsy is-qımyl agenttigine berilgen.

«Bul sheshimdi biz qabyldaǵan joqpyz. Ol – Bas prokýratýranyń sheshimi. Qazir qylmystyq is qaıtadan bizdiń qaraýymyzǵa ótti. İs boıynsha jańa tergeý toby qurylyp, tergeý jumystary qaıta bastaldy. Sonymen qatar jábirlenýshi taraptyń barlyq ýáji tolyq tyńdalady», – dedi Sanjar Ádilov.

İs qozǵalǵanyna bir jarym jyldan asty

Aqnárdiń ólimine qatysty qylmystyq is shamamen bir jarym jyldan beri tergelip keledi. Bul jaǵdaı qoǵamda úlken rezonans týdyryp, ádil tergeý júrgizý talap etilgen bolatyn.