InfoHub Logo

3 - 4 synyp oqýshylary
Aqıyq aqyn Muqaǵalı Maqataevqa arnalǵan ádebı - sazdy keshtiń senarıi

Maqsaty: Muqaǵalı Maqataevtyń ómirbaıanymen ómir jolymen tanystyrý. Aqyndyq talantyn oqýshylarǵa nasıhattaý, poezıa álemine, sóz ónerine súıispenshilikterin arttyrý.
Keshtiń kórnekiligi: kesh taqyryby men aqyn portreti, býklet, álbom jáne kitap, jýrnaldarmen kórkemdelgen kórme, taqyryptyq slaıd.

1 - júrgizýshi: Qaıyrly kún! Qurmetti ustazdar, oqýshylar, qonaqtar!
Jyl kerýeni alǵa jyljyǵan saıyn Muqaǵalı Maqataevtyń artyna qaldyrǵan óshpes murasy jaryq juldyzdyń qarańǵy tún qoınaýynan qupıa sáýlesin shashqandaı jarqyraı, órkendeı ósip, aıshyqtala túsýde. Abaı úndes Muqaǵalıdaı perzenti bar halyq – shynymen baqytty halyq.
2 - júrgizýshi: Búgingi «Aqqýlar uıyqtaǵanda» atty ádebı - sazdy keshimiz qazaq óleńiniń aspanynda erekshe nurlanyp, jarqyrap ótken aqıyq aqyn Muqaǵalı Maqataevqa arnalyp otyr. Muqaǵalı Maqataev (1931 — 1976) Almaty oblysynyń uly Han - Táńiri taýynyń etegindegi Qarasaz aýylynda dúnıege kelgen. Gorkıı atyndaǵy Lenıgrad (Sankt - Peterbýrg) ýnıversıtetin bitirgen. 9 aqpan kúni kózi tiri bolsa 83 jasqa tolar edi...

1 - júrgizýshi:
Búgin meniń týǵan kúnim
Oı, pále - aı!
Myna adamdar nege jatyr toılamaı?!
Banket jasap berer edim ózim - aq,
Táńirdiń bir jarytpaı - aq qoıǵany - aı.

2 - júrgizýshi: Myna dúnıe nege jatyr úndemeı?!
Alaýlatyp toıdyń shoǵyn úrlemeı.
Qushaq - qushaq gúl shoqtaryn laqtyryp,
«Mynaý – shapan,
Mynaý – atyń, min» - demeı.

1 - júrgizýshi: Toılanbasa, toılanbasyn,
Ne eteıik.
Toı kórmeı - aq, syı kórmeı - aq óteıin
Qalamymdy bershi maǵan báıbishe,
Bolashaqqa aryz jazyp keteıin...

2 - júrgizýshi: Jazylar estelikter men týraly,
Bireýler jan edi der ór tulǵaly.
Bireýler tulpar edi der de múmkin,
Bútindelmeı ketken bir er - turmany,- dep aǵa jaıdan - jaı aıtpaǵan ǵoı.

1 - júrgizýshi: Alaman báıgede oza shaýyp, óleń - jyrda shashasyna shań juqtyrmaǵan eren júırik talantty tulǵa Muqaǵalı aqynnyń ómir joly san qyrly. Ony birimiz bilsek te, birimiz bilmeımiz, endi bir sát onyń ómirinen derekterge júginsek.

«Meniń anketam» óleńin júrgizýshiler kezekpen oqıdy.
- Týǵan jeriń?
- Ulanymyn, Qarasaz dep atalatyn aýyldyń.
- Týǵan jylyń?
- 1931. Qurdasymyn Shámildiń.
- Jynysyń kim?
- Erkekpin ǵoı, erkekpin!
- Jáne - daǵy táýirmin...
- Partıada barsyń ba?
- Joqpyn.
- Biraq, komýnıstik kózqaraspen qaraımyn.
- Shyqqan tegiń?
- Sharýamyn.
Bar tirlikten baǵaly ony sanaımyn.
- Bilimiń she?
- Ortasha ǵoı.
Alaıda ony joǵaryǵa balaımyn.
- Ana tiliń?
- Qazaqsha.
Qysylǵanda oryssha da, nemisshe de, taǵy bar.
- Qaıda istediń?
- Mynaý «Eńbek kitapshamnan» tanyp al.
Oqymaǵan dıplomsyz demeseń
Bir basymnan bar mamandyq tabylar.
- Mindetisiń be áskerge?
- Mindettimin.
Biraq áli jas keýde.
Jaýyngerdiń ulymyn ǵoı,
Janyn qıǵan Máskeýge.
- Sógis alyp kórdiń be?
- Ol jaǵynan perishte edim deı almaımyn,
Men múlde.
Oıly - qyrly bul ómirde bolady ǵoı múlt ketý,
Ol ózi bir enshisi ǵoı ezdiń ári erdiń de...
- Shetelderde boldyń ba?
- Bolǵamyn joq.