InfoHub Logo

Tehnologıa 5 synyp
Taqyryby: Tehnologıalyq daıyndyq barysynda oqýshylardy ekonomıkalyq tárbıe jáne ekologıalyq mádenıetke qalyptastyrý.
Maqsaty: Oqýshynyń boıynda ómirdiń áleýmettik ekonomıkalyq suranystary týraly túsinigin qalyptastyrý;
Sabaq túri: aralas sabaq
Sabaq jospary
I Uıymdastyrý kezeńi
1. Kirispe
2. Negizgi bólim
3. Toppen jumys
4 Shyǵarmashylyq jumys: Úıge tapsyrma "Fıtodızaın"
5 Qorytyndy

Ekologıalyq mádenıet
Ekologıalyq mádenıet – jalpy dúnıejúzilik mádenıettiń damýynyń bir kezeńi jáne quramdas bólimi: adamzattyń ómiri men bolashaqtaǵy damýynda
Ekologıalyq problemalardyń ózekti mańyzdylyǵyn barshanyń tereńinen kámil uǵynýshylyǵymen sıpattalady. Qorshaǵan ortany nemquraılyqpen qaraýdyń kúıinishti tájirıbesi, hımıalyq lastanýdan, shýdan, dirilderden, elektromagnıttik sáýlelerden, radıasıadan jáne t. b. bolǵan aýrýlardy zerdeleý ekologıalyq mádenıet sanıtarlyq mádenıet uǵymdaryn

Biriktire uǵyný qajet ekenin túsinýge sebep boldy. Jalpy bul mádenıettiń mańyzdy quramdas bólimderi ózara tyǵyz baılanysty, sondyqtan adamnyń atmosfera aýasyna, tabıǵı sýlarǵa, jerdiń topyraq jamylǵysyna, ósimdikter men janýarlarǵa qatysty sharýashylyq jáne turmystyq qaraketiniń sanıtarlyq – ekologıalyq turǵydan maqsatqa saı bolýyn talap etedi.
Qazirgi tańda ekologıalyq daıyndyqtan ótken tárbıeshilerdiń jetkiliksiz

Bolýyna jáne oqý quraldary men baǵdarlamalardyń bolmaýyna baılanysty 323000 bala ekologıalyq tárbıe berý júıesinen shet qalyp otyr. Oqý prosesinde paıdalanatyn ekologıa páni boıynsha oqýlyqtar men oqý quraldary eskirgen. Osy kúnge deıin elimizde ekologıalyq bilim berýdiń birtutas baǵdarlamasy jáne ekologıalyq arnaıy mektepter, gımnazıalar, lıseıler joq dep aıtýǵa bolady.

Ekologıalyq tárbıe qoǵamdyq ómirdiń barlyq salalaryn qamtyp birneshe deńgeılerde júrgizilýi kerek. Jeke tulǵanyń túzilýi negizinen otbasynda júredi. Sondyqtan ata - ana balanyń qoǵamdaǵy negizgi minez - qulyq normalarmen qatar, ekologıalyq mádenıettiń de negizderin úırete bastaýy kerek. Kóbinese, balalardyń ekologıalyq bilimdiligi ata - analarynyń deńgeıinen áldeqaıda joǵary. Ata - analary men balalary ózderiniń zertteýleriniń nátıjeleri boıynsha, qorshaǵan ortaǵa eshqandaı jamandyq jasamaı - aq tirshilik ortasyna belgili bir dárejede zıan tıgizip jatqanymyzdy baıqaýǵa bolady: qaıta qalpyna kelmeıtin tabıǵı resýrstardy ońdy – soldy shashýdamyz, sýdy, aýany lastaýdamyz, kóptegen turmystyq qoqystardy shyǵaryp jatyrmyz. Tabıǵatty qorǵaýdy óz úıińnen bastaýǵa bolady – bul sýdy únemdep jumsaý, onyń lastanýyn tómendetý, ozon buzatyn zattary joq aerozoldardy qoldaný jáne t. b.

Sóıtip, ekologıalyq mádenıettiń basy otbasynda túzele bastaıdy.
Ekologıalyq bilim men tárbıe berýdiń maqsaty:
Ekologıalyq tárbıeniń maqsaty – jastardyń ekologıalyq kózqarasyn, sanasyn, tabıǵatqa úlken parasattylyq, jaýapkershilik, qarym - qatynasyn qalyptastyrý. Osy tárbıe arqyly adamnyń mádenıettilik sezimi, ekologıalyq sanasy qalyptasady.
Tehnologıa sabaqtarynda da oqýshylarǵa ekologıalyq mádenıetti qalyptastyrý maqsatynda jumystar júrgizilip otyrady. Mysaly,

«Fıtodızaın» - taqyrybynda oqýshylarǵa tabıǵı materıaldardan, ósimdikterden kórkem shyǵarma jumystaryn oryndaýmen qatar, tabıǵatqa degen qamqorlyq, sanaly, sapaly is, joǵarǵy ekologıalyq mádenıetti qalyptastyrý birden – bir joly bolyp tabylatyny jaıly aıtylady.
Tabıǵı materıaldarmen jumys jasaý arqyly oqýshylar shyǵarmashylyqtaryn shyńdaıdy, tabıǵatty súıedi, qadir tutady.