Photo: Fahrettin Turgut (https://www.pexels.com/@fahrettin) / Pexels
AQSH áýejaıynda jolaýshylar ushaǵy ushý jolaǵyndaǵy adamdy qaǵyp ketti
AQSH-tyń Denver halyqaralyq áýejaıynda Frontier Airlines áýe kompanıasynyń jolaýshylar ushaǵy ushý jolaǵynda júrgen adamdy qaǵyp ketti. Oqıǵa 8 mamyr kúni keshki ýaqytta bolǵan.
Los-Andjeles baǵytynda ushyp shyqpaq bolǵan Airbus A321 ushaǵy ekpin alyp kele jatqanda, jolaqtaǵy adamdy basyp ozdy. Soqqy saldarynan adam sol jerde kóz jumdy. Dene bóligi ushaq qozǵaltqyshyna túsip, qysqa ýaqytqa órt shyqqany habarlandy. Órt sóndirýshiler jalyndy tez arada aýyzdyqtady.
Ushaq bortynda 224 jolaýshy men 7 ekıpaj múshesi bolǵan. Oqıǵadan keıin ushqyshtar ushýdy toqtatý týraly sheshim qabyldady. Jelide taraǵan ekıpaj ben dıspecher arasyndaǵy áńgime jazbasynda ushqyshtyń «Biz bireýdi qaǵyp kettik… qozǵaltqyshta órt shyqty» degen sózderi estiledi. Ushaq ishinde tútin paıda bolǵandyqtan, jedel evakýasıa júrgizildi. Jolaýshylar úrlemeli traptar arqyly ushý jolaǵyna túsirilip, keıin avtobýstarmen termınalǵa jetkizildi.
Aldyn ala málimet boıynsha, bir jolaýshy jeńil jaraqat alǵan. Barlyq jolaýshylar medısınalyq tekserýden ótti. Frontier Airlines kompanıasy oqıǵanyń mán-jaıyn anyqtaý úshin áýejaı jáne qaýipsizdik qyzmetterimen birlesip jumys istep jatqanyn habarlady. Qazir Denver polısıasy men AQSH-tyń Ulttyq kólik qaýipsizdigi keńesi tergeý júrgizip jatyr.
-
Kazahstanskıı boes UFC Asý Almabaev rasshıráet svoıý karerý, podpısav soglashenıe s promoýshenom Real American Freestyle (RAF).
-
A Frontier Airlines flight experienced a tragic incident at Denver International Airport when its plane struck an individual on the runway, leading to an emergency evacuation.
