InfoHub Logo

Adamzat balasy ǵylymnyń jańa belesine taǵy bir márte kóterildi. AQSH-taǵy ǵalymdar sonaý muz dáýirinde, ıaǵnı shamamen 12 myń jyl buryn jer betinen joıylyp ketken joıqyn qasqyrdy (dire wolf) qaıta tiriltti. Qıal-ǵajaıyp fılmderden kórip úırengenimiz shyndyqqa aınalyp otyr.

Bıotehnologıa salasynda jetekshi oryn alatyn Colossal Biosciences kompanıasy bul jobany júzege asyrý úshin birneshe jylyn sarp etken. Mamandar AQSH-tyń ár túkpirindegi mýzeılermen birlesip, qasqyrdyń DNQ-syn quraıtyn qundy qaldyqtardy izdeýmen aınalysqan. Aqyry, Aıdaho shtatynan tabylǵan 72 myń jyldyq bas súıek pen Ogaıodaǵy 13 myń jyldyq tis olardyń eń mańyzdy jańalyǵyna aınaldy.

Ǵalymdar bul jańalyq arqyly tek ótkendi tiriltýdi ǵana emes, ekojúıeni qaıta qalpyna keltirýdiń jolyn da qarastyrýda. Joıqyn qasqyrdyń ereksheligi – iri deneli, tózimdiligi joǵary jáne óz dáýiriniń ekojúıesinde basty jyrtqysh retinde orny bolǵan. Endi osy jyrtqyshtyń genetıkalyq urpaǵy zamanaýı ǵylymı tásilmen qaıta jandanyp otyr.

Joba ázirge tolyq aıaqtalmaǵanymen, alǵashqy jetistikter álem ǵylymyna úlken serpin berip, jańa etıkalyq jáne ekologıalyq talqylaýlarǵa jol ashty. Ǵylym adamzat tarıhyn qaıta jazýǵa qanshalyqty daıyn – bul endi ýaqyt enshisindegi saýal.