InfoHub Logo

Aqtaý qalasynyń turǵyndary qańtar aıynda komýnaldyq qyzmetterge arnalǵan qaǵaz túbirtekterdi almaǵan. Bul másele boıynsha «Kaspıı jylý, sý arnasy» memlekettik komýnaldyq kásiporny túsinikteme berdi.

Bul týraly Infohub.kz aqparat agenttigi habarlaıdy.

Sıfrlandyrýǵa qaramastan, qaǵaz túbirtekter áli de suranysqa ıe. Sebebi, onda naqty tarıf pen tutynylǵan kólem kórsetiledi. Bul tutynýshylarǵa tólem jasaý kezinde qyzmet kólemin anyq kórýge múmkindik beredi.

Jańa merdiger izdestirilýde

«Kaspıı jylý, sý arnasy» kásiporny túbirtekterdi basyp shyǵarý jáne taratý jumystaryn júrgizý úshin jetkizýshini anyqtaý boıynsha jumystardy aıaqtaǵanyn habarlady. Qazirgi tańda jeńimpaz anyqtalyp, kelisimshart jasaý úshin zańdy rásimder júrgizilýde.

Kelisimshartqa qol qoıylǵannan keıin, jańa merdiger abonentterge túbirtekterdi jetkize bastaıdy. Ýaqytsha qaǵaz nusqalaryn 10-shy yqsham aýdany, 1-úı, 2-qabat, «Klıentterge qyzmet kórsetý ortalyǵynan» alýǵa bolady. Ol 08:30-dan 17:30-ǵa deıin, №10, 19, 22, 23 terezelerde jumys isteıdi.

Konkýrs nátıjesi

Memlekettik satyp alý portalynyń málimetinshe, «KJSA» tapsyrys berýshisi bolǵan «Esep-shottardy basyp shyǵarý jáne jetkizý qyzmeti» loty boıynsha konkýrs 17 aqpanda aıaqtalǵan. Konkýrsta Oral qalasynda tirkelgen «ITMage» kompanıasy jeńimpaz atandy. Josparlanǵan soma – 6 832 980 teńge.

Atalǵan somaǵa kompanıa 2026 jyly Aqtaý qalasyndaǵy jeke jáne zańdy tulǵalarǵa, sondaı-aq jeke turǵyn úı qurylystaryna (JTQ) aı saıynǵy 15-ine deıin esep-shottardy basyp shyǵaryp, jetkizýi tıis.

Buǵan deıin Aqtaý turǵyndarynan jaryq pen sýǵa tólenetin shottardyń asyra siltelgen somalaryna qatysty shaǵymdar túsken bolatyn.