Týrar Kazangapov
Aqtaýdaǵy jas sarbazdyń ólimi: bólim komandıri sotqa tartylyp, ofıserler qyzmetinen bosatyldy
Aqtaýdaǵy áskerı bólim komandıriniń qyzmetindegi nemquraılylyǵy saldarynan jas sarbaz qaza tapty. Bul týraly Bas prokýratýranyń málimetine súıenip, Infohub.kz aqparat agenttigi habarlaıdy.
Qazirgi ýaqytta Aqtaý garnızonyndaǵy áskerı bólimderdiń biriniń komandıriniń qyzmettik mindetterin oryndamaýy boıynsha qozǵalǵan qylmystyq is boıynsha tergeý aıaqtaldy. Bul jaǵdaı 17 aqpanda bolǵan.
Sarbazdyń ólimine komandırdiń salǵyrttyǵy sebep bolǵan
Tergeý barysynda bólim komandıriniń áskerı jarlyqtar men buıryqtarda kórsetilgen qajetti sharalardy qabyldamaǵany anyqtaldy. Ol jeke quramdy baqylaý men qarýdy qoldaný tártibin qadaǵalamaǵan, bul tragedıaǵa ákelip soqtyrdy.
Áskerı prokýrorlar men jedel-tergeý tobynyń jumysy nátıjesinde jetkilikti dáleldemeler jınalyp, qajetti saraptamalar júrgizildi. Qylmystyq is máni boıynsha qaraý úshin sotqa jiberildi.
Ofıserler qyzmetinen bosatyldy
Bul oqıǵadan keıin barlaý-shabýyl batalónynyń komandıri, onyń orynbasary jáne rota komandıri qyzmetterinen bosatyldy. Sonymen qatar, 10 laýazymdy tulǵa tártiptik jaýapkershilikke tartyldy.
Bas áskerı prokýratýra áskerı qyzmetshilerdiń ólimine ákep soqtyratyn qylmystar úshin jazanyń bultartpaý prınsıpin qamtamasyz etý boıynsha jumysty jalǵastyratynyn málimdedi.
-
V Atyraýskoı oblastı prekrasheno ýgolovnoe presledovanıe v otnoshenıı Akbaıan Mýkangalıevoı, podozrevavsheısá v ýbııstve rodstvennıkov mýja. Ee neprıchastnostýstanovlena.
-
Atyraý oblysynda qaıyn jurtyn óltirdi degen kúdikke ilingen Aqbaıan Muqanǵalıevaǵa qatysty qylmystyq qýdalaý toqtatyldy. Onyń is boıynsha kinási anyqtalmady.
