InfoHub Logo

Aqtaýlyq belgili asaba Hannyń jary Alma Myrzabekova aýyr qaıǵyǵa tap boldy. Jelide talqyǵa túsken jaǵdaıdan keıin kópshilik nazarynda júrgen ol, óziniń áleýmettik jeli paraqshasynda sábıinen aıyrylyp qalǵanyn jarıalady.

Bul týraly Infohub.kz aqparat agenttigi habarlaıdy.

Alma Myrzabekovanyń aıtýynsha, ishtegi sábıin joǵaltý – ár ana úshin sózben aıtyp jetkize almaıtyn aýyr soqqy. «Men ony qolyma ustap úlgermesem de, júregimmen súıip úlgerdim. Ol meniń armanym, úmitim, júregimniń bir bólshegi edi», – dep jazdy ol.

Ol sońǵy ýaqytta oryn alǵan jaǵdaılardyń áseri aldymen sábıine tıgenin aıtyp, Allanyń isine amalynyń joq ekenin jetkizdi. Osy aýyr sátte janynda bolǵan otbasyna alǵys bildirdi.

Jeli qoldanýshylary Almaǵa qoldaý kórsetip, jyly lebizderin bildirýde. Sondaı-aq, ol ózine kómek kórsetken dárigerlerge rızashylyǵyn jetkizdi. «OPS gınekologıa bóliminiń dárigerleri men qyzmetkerlerine úlken raqmet! Kásibılikterińiz, meıirimderińiz, qamqorlyqtaryńyz ben jyly qarym-qatynastaryńyz úshin myń alǵys. Ár pasıentke túsinistikpen qarap, qoldaý kórsetkenderińiz úshin erekshe rızamyn», – dep jazdy Alma Myrzabekova.