Photo: Ayazhan (https://www.pexels.com/@ayazhan-3173683) / Pexels
Aqtaýlyq bloger balalar lagerindegi qaýipsizdik máselesin kóterdi
Aqtaýlyq belsendi Azamat Sársenbaev «OzenMýnaıGaz» AQ qyzmetkerleriniń balalar lagerindegi demalys uıymdastyrý máselesine qatysty shaǵymyn jarıalady. Bul týraly Lada.kz saıty habarlady.
Shaǵymda «Aınalaıyn» lagerinde balalardyń demalysyn uıymdastyrý kezinde zań buzýshylyqtar bolýy múmkin ekeni aıtylǵan. Lager Almaty men Astana qalalarynda jumys istegen.
Shaǵymdanýshylardyń aıtýynsha, lagerdegi jaǵdaıdy, ıaǵnı balalardyń turý sharttaryn, sanıtarlyq jaǵdaıyn, qaýipsizdikti qamtamasyz etýdi jáne balalardy saýyqtyrý uıymdaryna qoıylatyn talaptardyń saqtalýyn tekserýdi suraıdy.
Sondaı-aq, sońǵy jyldary lagerge berilgen sanıtarlyq-epıdemıologıalyq qorytyndylardyń shynaıylyǵyn jáne resmı qujattarda kórsetilgen derekterdiń naqty jaǵdaıǵa sáıkestigin tekserý máselesi kóterilgen.
Buǵan qosa, balalar demalysyn uıymdastyrýǵa jáne baqylaýǵa jaýapty tulǵalardyń áreketteri men sharttardyń zańdylyǵyna quqyqtyq baǵa berýdi talap etedi.
Qosa berilgen materıaldarda balalardyń turý jaǵdaıy, jıhaz ben jabdyqtardyń sapasy, sondaı-aq balalardy ornalastyrý tártibindegi máseleler kórsetilgen.
Azamat Sársenbaev bul másele boıynsha eshqandaı quqyq buzýshylyqtyń bolǵanyn rastamaıtynyn, alaıda bul jaǵdaılardyń tıisti organdar tarapynan resmı tekserýdi talap etetinin atap ótti.
Esterińizge sala keteıik, 2026 jylǵy 1 sáýirden bastap Qazaqstanda balalardy saýyqtyrý jáne bilim berý uıymdaryna qoıylatyn jańa talaptar kúshine endi.
-
Qazaqstandyq tenısshi Iýlıa Pýtınseva US Open chempıony Bánka Andreeskýdy jeńip, komandasyn Bıllı Djın Kıng Kýbogynyń irikteýinde Kanadadan basym túsýine kómektesti.
-
Almatydaǵy Botkın kóshesindegi eki qabatty úıde shyqqan órt kezinde 10 janýar qutqaryldy. Órt sóndirýshiler 4 eresek mysyq pen 6 kúshikti aman alyp qaldy.
