InfoHub Logo

Aqtóbe oblysynyń Oıyl aýdanynda 14 jastaǵy oqýshy mektepte bosandy. Bul jaǵdaı qoǵamda úlken rezonans týdyrdy, sebebi oqýshynyń júktiligin dárigerler baıqamaǵan.

Bul týraly Infohub.kz aqparat agenttigi habarlaıdy.

Oqıǵanyń mán-jaıy

Oqıǵa ótken jyldyń 13 qazanynda boldy. 9-synyp oqýshysynyń tolǵaǵy sabaq kezinde bastalǵan. Oblystyq bilim basqarmasynyń málimetinshe, oqýshy qyz osyǵan deıin úsh ret medısınalyq mekemege qaralǵanymen, dárigerler onyń júktiligin baıqamaǵan.

Sot úkimi

Qylmysqa kúdikti retinde qyzdyń týǵan naǵashy ájesiniń kúıeýi ustaldy. Oǵan Qylmystyq kodekstiń 120-babynyń 3-bóligi («Birneshe ret jasalǵan zorlaý») jáne 124-babynyń 3-bóligi («16 jasqa tolmaǵan adamǵa qatysty birneshe ret jasalǵan azǵyndyq áreketter») boıynsha aıyp taǵyldy.

3 aqpanda sot oǵan 21 jylǵa bas bostandyǵynan aıyrý úkimin shyǵardy. Sot onyń zeınetkerlik jasyn eskerdi, áıtpese ómir boıyna bas bostandyǵynan aıyrylýy múmkin edi.

Sottalǵan azamat jazasyn qaýipsizdigi ortasha mekemede óteıtin bolady. Úkim áli zańdy kúshine engen joq.