tengrinews.kz
Aqtóbede paketten tabylǵan sábıge Batyr esimi berildi
Aqtóbede kóshede paket ishinen tabylǵan nárestege Batyr esimi berildi. Sábı qazir aýrýhanada em alyp, jaǵdaıy jaqsarýda.
Bul týraly Infohub.kz aqparat agenttigi habarlaıdy.
Qazir náreste oblystyq balalar aýrýhanasynda jatyr. Túsken kezde salmaǵy 2 kılogramm 900 gram bolsa, búginde 3 keliden asqan. Dárigerlerdiń aıtýynsha, sábıdiń jaǵdaıy ortasha aýyrlyqta baǵalanǵanymen, barlyq taldaýlar qalypty nátıje kórsetken.
Sábıdi balalar úıine jiberýge daıyndap jatyr
«Balanyń salmaǵy jas normasyna saı ósip keledi. Qazir qamqorshy organdar men polısıa ókilderimen birlesip, qajetti qujattar resimdelip jatyr. Barlyq rásimder aıaqtalǵannan keıin, bala «Úmit» balalar úıine jiberiledi», - dedi Aqtóbe oblystyq densaýlyq saqtaý basqarmasynyń bólim basshysy Álıa Sharbaqova.
Esterińizge sala keteıik, jańa týǵan náresteni 23 mamyrda Aqtóbe qalasynyń shetinde aǵashtyń astynan taýyp alǵan bolatyn. Ony serýendep júrgen mektep oqýshysy baıqaǵan. Aldymen qyzdar qara pakettegi mysyq dep oılapty. Alaıda, jaqyndap qaraǵanda, ishinde sábı baryn kóredi. Sábıdiń anasy áli kúnge deıin tabylǵan joq.
-
V parlamente Kazahstana obsýjdaıýt popravkı v zakon ob amnıstıı. Depýtat Bakytjan Bazarbek vyrazıl obespokoennostvozmojnymı zloýpotreblenıamı ı potreboval polnyı spısok amnıstırýemyh.
-
A baby boy discovered abandoned in a bag in Aktobe has been named Batyr and is now recovering well in the hospital.
