InfoHub Logo

Álemdi óziniń sulýlyǵymen baýraǵan Dýbaı qazir týrıserdi az tartady. Iran men AQSH-Izraıl arasyndaǵy soǵys bastalǵaly qalanyń tynyshtyǵy buzylyp, buryn qaýipsizdigimen tanymal bolǵan megapolıste jarylys úni jıi estiletin boldy.

Bul týraly Infohub.kz aqparat agenttigi habarlaıdy.

Soǵysqa deıingi jaıly ómir

Dýbaıda eki jyldan beri turyp jatqan qazaqstandyq Uldana Sultanovanyń aıtýynsha, jergilikti turǵyndar qaýipsizdikti sezingenimen, tolyq qorǵalmaǵan. Óıtkeni AQSH-tyń nysandaryna soqqy jasalý qaýpi bar. Soǵys bastalǵaly otbasymen birge Qazaqstanǵa oralǵanymen, jubaıynyń jumysyna baılanysty qaıta Dýbaıǵa oralýǵa májbúr bolǵan.

Jarylys úni jıi estiledi

Uldananyń sózinshe, qazir kúnine bir-eki ret jarylys úni estiledi. Qala bıligi habarlama jiberip, halyqty saqtandyryp otyrady. Degenmen, turǵyndar ádettegideı kóshede erkin júrip, kúndelikti tirshiligin jalǵastyrýda.

Bosaǵan qonaqúıler, arzandaǵan páterler

Soǵys saldarynan Dýbaıdyń týrızm salasy qatty zardap shekken. Týrısik oryndarda adam az, qonaqúıler men meıramhanalar jeńildikter usynyp jatyr. Jaldamaly páter baǵasy da tómendegenimen, uzaq merzimdi jaldaý boıynsha baǵa ózgerissiz qalǵan.

Imıj – basty orynda

Dýbaı bıligi qalanyń ımıjin saqtaýǵa basty nazar aýdarady. Jaǵymsyz jańalyqtar men jalǵan aqparattardy qatań baqylaıdy. Mundaı áreketter úshin deportasıalaý qaýpi bar. Sondyqtan týrıser Dýbaıdy áli de eń qaýipsiz qalalardyń biri retinde sanaıdy.