InfoHub Logo

Qazaq kıno óneriniń dara tulǵasy, marqum Asanáli Áshimovtiń jary Baǵdat Áshimova joldasynyń ómirden ozǵan sáti týraly tyń derekterdi bólisti. Bul týraly Infohub.kz aqparat agenttigi habarlaıdy.

Baǵdat Áshimovanyń aıtýynsha, Asanáli Áshimov ómirden ozǵansha úsh mınýt buryn da belsendi bolǵan. «Úsh mınýt... Sońǵy úsh mınýtqa deıin sóılep otyrdy. «Belim aýyryp tur. Keýdeme aýrýy berip tur, biraz jataıynshy» dedi», - dep eske aldy ol.

Joldasynyń jaǵdaıyn sıpattaı otyryp, Baǵdat Áshimova: «Jatqan soń, «basymdy kótershi» dedi, kóterdim. «Taǵy da kótershi» dedi, kóterdim. Boldy... kózin juma saldy. Ózi de bilmeı qaldy», - dep sózin jalǵady.

Ol joldasynyń kenetten ketip qalatynyn sezbegenin aıtady. «Jasandy dem berdik, júregine massaj jasadyq. Biraq... úsh mınýtta kete bardy», - dedi Baǵdat Áshimova.