Photo: Ayazhan (https://www.pexels.com/@ayazhan-3173683) / Pexels
Ásel Isabaevanyń jańa sýretteri jelide qyzý talqyǵa tústi
Burynǵy prezıdent Nursultan Nazarbaevtyń «ekinshi otbasym» dep ataǵan Ásel Isabaevanyń jańa sýretteri jelide paıda boldy. Bul jańalyqty tanymal fotograf Mıras Baıanov Instagram paraqshasynda bólisken.
Bul týraly Infohub.kz aqparat agenttigi habarlaıdy.
Fotograftyń aıtýynsha, Ásel Isabaeva ónerge jaqyn jandardyń biri. Ol óziniń jazbasynda: «Men úshin árdaıym ónerge jaqyn bolý mańyzdy. Ásirese, sonyń bir bólshegine aınalǵan adamdarmen birge bolý. Ǵajaıyp Ásel Isabaeva – meniń kózqarasymmen», – dep pikir bildirgen.
Ásel Isabaeva kim?
Ásel Isabaeva 1999 jyly «Mıss Qazaqstan» ataǵyn ıelengen. Qazirgi tańda ol 46 jasta jáne «Astana balet» teatrynyń art-menedjeri qyzmetin atqarady. Buǵan deıin onyń esimi halyqaralyq zertteýlerde de atalyp, ofshorlyq kompanıalar arqyly 30 mıllıon dollar alǵany týraly aqparattar taraǵan bolatyn.
Ekinshi otbasy týraly
Nursultan Nazarbaev óziniń ekinshi otbasy bar ekenin 2023 jyly ǵana resmı túrde moıyndaǵan bolatyn. Óz memýarynda ol Ásel Isabaevamen alǵashqy tanystyǵy sulýlyq baıqaýynan keıin bolǵanyn, keıin aradaǵy jaqyn qarym-qatynastyń damyǵanyn jazǵan. Prezıdenttiń aıtýynsha, olar musylman dástúri boıynsha nekege turǵan jáne bul nekeden Taýman men Baıken esimdi eki ul týǵan.
-
Jıtelı Astany obespokoeny sostoıanıem nedavno pokrashennyh opor LRT. Kompanıa City Transportation Systems obásnıla prıchıný problemy.
-
New images of Assel Isabayeva, previously described by Nursultan Nazarbayev as his 'second family,' have surfaced online, sparking considerable public interest.
