InfoHub Logo

Qazaqstandyqtar endi jylyna úsh jumys kúnine deıin medısınalyq skrınıngten ótýge múmkindik alady. Bul týraly Májilis depýtaty Asqat Aımaǵambetov óziniń áleýmettik jelidegi paraqshasynda habarlady. Depýtat bul múmkindik týraly kópshiliktiń habarsyz ekenin atap ótti.

Bul týraly Infohub.kz aqparat agenttigi habarlaıdy.

Áleýmettik demalys – zańmen qamtamasyz etilgen quqyq

Asqat Aımaǵambetovtiń aıtýynsha, Qazaqstan Respýblıkasynyń Eńbek kodeksiniń 87-babyna sáıkes, qyzmetkerlerge skrınıngten ótý úshin arnaıy áleýmettik demalys qarastyrylǵan. Bul demalys jylyna 3 jumys kúnine deıin sozylady jáne jumys berýshi ony mindetti túrde berýge tıis.

«Kópshilik bul týraly bilmeıdi. Biraq bul Eńbek kodeksinde naqty jazylǵan. Skrınıngten ótińizder jáne óz quqyqtaryńyzdy paıdalanyńyzdar», – dep jazdy depýtat.

Áleýmettik demalystyń basqa da túrleri

Eńbek kodeksinde jyl saıynǵy aqyly eńbek demalysynan basqa, áleýmettik demalystyń birneshe túri qarastyrylǵan. Olar:

Sonymen qatar, júktiliktiń 12 aptasyna deıin medısınalyq esepke turý úshin de keminde úsh jumys kúni demalys beriledi.