Synaıyn bir saqany,
Iireıin qurǵyrǵa,-
Aıttyrǵanǵa qalqany
Toldy ma eken on jylǵa?
Alshy tússeń - bolǵanyń,
Táıke tússeń - táýekel.
Búge tússeń - quryǵanyń,
Shige tússeń - urǵanyń.
Tańmyn ózim, oı, alda-aı,
Ósip qapty, apyr-aı,
Áı, qyz degen kápir-aı!
Men baıaǵy qalpymda.
Alsam bıyl, kúrke aýlaq,
Jatar ek-aý ekeýmiz.
Bir aıaq qatyq tastap ap,
Qoıǵa ketsem men kúndiz.
Qoıdy aıdasam tús aýa,
Yrǵala basyp, yńyranyp,
Qatynym shyqsa qoı saýa,
Sýsynǵa qoısa qymyran ǵyp.
Kúrkege barsam, jaılanyp:
«Áı, qatyn, beri kel!»- desem,
Birdeńege aınalyp,
Ol keshigip, kelmese.
Qaıta shyǵyp kúrkeden,
Qatynǵa barsam tistenip.
Otyrǵan jerde jelkeden
Teýip-teýip qalsam kep.
Ol kózine jas alyp:
«Adyra qal,- dese,- adyra qal
Al, asyqty baıqalyq,
He der eken bizdiń bal?
Alshy tússe, alaqaı!
«Tús,- degende,- tús, qurǵyr!»
Qyryqqa kelgen «balaqaı»,
Táıke tústi-aý! Táýekel!

---