InfoHub Logo

Astanaǵa jaqyn ornalasqan Jibek joly aýylynda otbasy músheleriniń qatygezdikpen óltirilgeni týraly qaıǵyly jańalyq eldi dúrliktirdi. Bul oqıǵaǵa qatysty Aqmola oblystyq Polısıa departamenti resmı málimdeme jasady.

Bul týraly Infohub.kz aqparat agenttigi habarlaıdy.

Qandy oqıǵanyń mán-jaıy

Jelide bir otbasynyń birneshe múshesiniń qaza tapqany týraly úreıli habarlamalar tarady. Aldyn ala derekter boıynsha, ul ata-anasy men qaryndasyn óltirgen bolýy múmkin degen boljam bar. Keıbir aqparattarda qylmysty basqa aýyl turǵyny jasaǵan degen de sózder aıtylýda.

Polısıa iske kiristi

Aqmola oblystyq Polısıa departamentiniń málimetinshe, Arshaly aýdanyna qarasty Jibek joly aýylynda adam óltirý faktisi boıynsha kúdikti jedel túrde ustalyp, ýaqytsha ustaý ızolátoryna qamaldy. Qazirgi tańda qylmystyq is qozǵalyp, tergeý jumystary departament basshylyǵynyń tikeleı baqylaýynda ótýde.

Qaza tapqandardyń naqty sany anyqtalýda. Tergeý múddesine baılanysty ózge de aqparattar ázirge jarıa etilmeıdi. Oqıǵa ornynda quqyq qorǵaý organdary jumys istep jatyr. Qylmys bolǵan úı ornalasqan kóshe qorshaýǵa alynyp, bógde adamdardyń kirýine shekteý qoıyldy.