InfoHub Logo

Elimizdiń bas qalasy Astana men eń iri megapolıs Almatyda aldaǵy kúnderi aýa raıynyń qandaı bolatyny belgili boldy. Qazgıdromet mamandary 4-6 sáýir aralyǵyndaǵy boljamdy jańartty. Eger buǵan deıin Astana men Almatyda aýa temperatýrasynyń kúrt tómendeıtini aıtylsa, endi bul boljam ózgertildi.

Bul týraly Infohub.kz aqparat agenttigi habarlaıdy.

Astanadaǵy aýa raıy

4 sáýirde Astanada aınymaly bultty bolyp, kúnniń sońynda jańbyr jaýyp, naızaǵaı oınaýy yqtımal. Kúndiz shańdy daýyl turady. Ońtústik-shyǵys, odan keıin ońtústik-batys baǵytyndaǵy jel túnde 5-10 m/s, kúndiz 9-14 m/s bolady. Temperatýra túnde +5...+7 gradýs jylylyqty, al kúndiz +17...+19 gradýsty kórsetedi.

5 sáýirde aınymaly bultty bolyp, ýaqytymen jańbyr jaýyp, kúndiz naızaǵaı oınaıdy. Soltústik-batys baǵytyndaǵy jel 9-14 m/s, keıde 15-20 m/s deıin kúsheıedi. Aýa temperatýrasy túnde +5...+7 gradýs, kúndiz +12...+14 gradýs bolady.

6 sáýirde jaýyn-shashynsyz, aınymaly bultty kún bolady. Shyǵys, ońtústik-shyǵys jeli 3-8 m/s baǵytynda soǵady. Temperatýra túnde +1...+3 gradýs, al kúndiz +15...+17 gradýsqa deıin kóteriledi.

Almatydaǵy aýa raıy

4 sáýirde Almatyda aınymaly bultty bolyp, jaýyn-shashynsyz ótedi. Batys baǵytyndaǵy jel 3-8 m/s bolady. Aýa temperatýrasy túnde +12...+14 gradýs, al kúndiz +25...+27 gradýsqa jetedi.

5 sáýirde da aınymaly bultty, jaýyn-shashyn kútilmeıdi. Batys jel soǵady, 3-8 m/s, kúndiz ekpini 13 m/s deıin jetedi. Túngi temperatýra +13...+15 gradýs, kúndizgi temperatýra +23...+25 gradýs bolady.

6 sáýirde de aýa raıy ózgerissiz qalady. Aınymaly bultty, jaýyn-shashyn joq. Batys jel 3-8 m/s, kúndiz ekpini 13 m/s deıin jetedi. Túnde +13...+15 gradýs, al kúndiz +24...+26 gradýs jylylyq bolady.

Buǵan deıin sınoptıkter Astana men Almatyda aýa raıynyń sál sýytatynyn boljaǵan bolatyn. Alaıda, sońǵy málimetter boıynsha, bul boljam ózgertildi.

Sonymen qatar, aldaǵy úsh kúnde Qazaqstan boıynsha aýa raıynyń ózgeretini habarlandy. Sıklon men antısıklonnyń aýysýyna baılanysty jańbyrly, keı jerlerde naızaǵaıly aýa raıy kútiledi. 4 sáýirde eldiń soltústik-batysynda, 5-6 sáýirde batysynda, al 5 sáýirde ońtústiginde qatty jańbyr jaýýy múmkin.