InfoHub Logo

Elimizdiń eki iri qalasy – Astana men Almatydaǵy aýa raıynyń jaqyndaǵy kúnderdegi ózgeristeri týraly sınoptıkter boljam jasady. Aldaǵy úsh kúnde, ıaǵnı 10, 11 jáne 12 sáýirde elorda men Almatyda aýa temperatýrasy qalaı ózgeretini belgili boldy.

Bul týraly Infohub.kz aqparat agenttigi habarlaıdy.

Astanadaǵy aýa raıy boljamy

10 sáýirde Astanada aýyspaly bultty bolyp, túnde jáne tańerteń jańbyr jaýady. Soltústik-shyǵys jeli 9-14 m/s jyldamdyqpen soǵady. Aýa temperatýrasy túnde +4...+6 gradýs, kúndiz +7...+9 gradýs bolady.

11 sáýirde aýa raıy jaqsaryp, jaýyn-shashynsyz bolady. Túnde jáne tańerteń tuman túsýi yqtımal. Jel soltústik-shyǵystan 5-10 m/s jyldamdyqpen esedi. Túnde temperatýra 0...-2 gradýsqa deıin tómendep, kúndiz +12...+14 gradýsqa deıin kóteriledi.

12 sáýirde aýyspaly bultty bolyp, kúndiz jańbyr jaýady. Keıde tuman baıqalady. Soltústik-shyǵys jeli 7-12 m/s jyldamdyqpen soǵady. Túnde temperatýra 0...-2 gradýs, al kúndiz +14...+16 gradýs bolady dep kútilýde.

Almatydaǵy aýa raıy boljamy

10 sáýirde Almatyda aýyspaly bultty bolyp, túnde jańbyr men naızaǵaı kútiledi. Ońtústik-batystan soqqan jel soltústik-batysqa aýysyp, 3-8 m/s jyldamdyqpen esedi. Túnde aýa temperatýrasy +8...+10 gradýs, kúndiz +18...+20 gradýs bolady.

11 sáýirde túnde jańbyr men naızaǵaı jalǵasady. Jel soltústik-shyǵystan 3-8 m/s, túnde ekpini 15 m/s deıin jetedi. Túnde temperatýra +5...+7 gradýs, kúndiz +20...+22 gradýsqa deıin jylynady.

12 sáýirde jaýyn-shashynsyz, aýyspaly bultty aýa raıy bolady. Jel soltústik-shyǵystan 3-8 m/s jyldamdyqpen esedi. Túnde temperatýra +6...+8 gradýs, kúndiz +22...+24 gradýsqa deıin kóteriledi.

Qazaqstanǵa sýyq aýa qaıta oraldy

Buǵan deıin sınoptıkter Qazaqstanda aldaǵy kúnderi jańbyr, naızaǵaı jáne jeldiń ekpinimen alma-kezek aýa raıy bolatynyn habarlaǵan edi. Elimizdiń soltústik-batysynda, soltústiginde jáne ońtústik-shyǵysynda qatty jaýyn-shashyn kútiledi. Batysta, soltústikte jáne ońtústik-shyǵysta túnde qar jaýyp, jańbyr aralas bolýy múmkin. Shyǵysta qar, boran jáne kóktaıǵaq bolady dep boljanǵan.

Soltústik, soltústik-batys, ortalyq jáne shyǵys óńirlerde túnde 0-5 gradýs aıaz bolyp, kúndiz aýa temperatýrasy +10...+23 gradýstan +7...+15 gradýsqa deıin tómendeıdi.