InfoHub Logo

Elimizdiń birqatar óńirinde, sonyń ishinde Astanada túnde aýa temperatýrasynyń kúrt tómendep, aıaz bolady dep kútilýde. Qazgıdromet osyǵan baılanysty daýyldy eskertý jarıalady.

Bul týraly Infohub.kz aqparat agenttigi habarlaıdy.

Aqtóbe oblysy

11 mamyr kúni túnde Aqtóbe oblysynyń soltústiginde 2 gradýs aıaz bolady. Ońtústik óńirde órt qaýpi joǵary kúıinde qalady.

Batys Qazaqstan oblysy

Oblystyń batys jáne soltústik-batys bóliginde jańbyr jaýyp, naızaǵaı oınaıdy. Túnde jáne tańerteń oblystyń soltústiginde tuman túsýi yqtımal. Shyǵys, ońtústik-shyǵys jel soǵady, batys pen ońtústik óńirlerde jeldiń ekpini 15-20 m/s jetedi. Túnde soltústik aýdandarda 2 gradýs aıaz bolady dep boljanýda. Oral qalasynda 11 mamyr kúni túnde jáne tańerteń tuman túsedi.

Qaraǵandy oblysy

Oblystyń ońtústik jáne shyǵys aımaqtarynda túnde jáne tańerteń jańbyr jaýyp, naızaǵaı oınaıdy. Soltústik-batys, soltústik jel soǵady. Tańerteń jáne kúndiz oblystyń batys, soltústik, ońtústik bólikterinde jeldiń ekpini 15-20 m/s jetedi. Túnde soltústik jáne batys aýdandarda 3 gradýs aıaz bolýy múmkin. Batys, soltústik, ońtústik óńirlerde órt qaýpi joǵary. Qaraǵandy qalasynda túnde jer betinde 1-3 gradýs aıaz bolady. Munda da órt qaýpi joǵary.

Qostanaı oblysy

Oblystyń batys jáne soltústik bóliginde túnde jáne tańerteń tuman túsýi yqtımal. Soltústik-batys jel soǵady. Oblystyń soltústik jáne shyǵys bólikterinde jeldiń ekpini 15-20 m/s jetedi. Túnde oblystyń batys jáne soltústik aýdandarynda 3 gradýs aıaz bolady. Qostanaı qalasynda da túnde 1-3 gradýs aıaz kútiledi.

Pavlodar oblysy

Sınoptıkter oblys boıynsha soltústik-batys jeldiń soǵatynyn, kúndiz ekpini 15-20 m/s bolatynyn habarlady. Túnde oblystyń batys jáne soltústik bólikterinde 3 gradýs aıaz bolady. Batys, ońtústik, shyǵys óńirlerde órt qaýpi joǵary. Pavlodar qalasynda 11 mamyr kúni túnde jer betinde 1-3 gradýs aıaz bolýy múmkin. Soltústik-batys jel kúndiz 15-20 m/s ekpinmen soǵady. Órt qaýpi saqtalady.

Soltústik Qazaqstan oblysy

Oblysta soltústik-batys jel soǵady. Túnde jáne kúndiz oblystyń soltústiginde jeldiń ekpini 15-20 m/s, al soltústik, shyǵys, ońtústik bólikterinde 23-28 m/s jetedi. Túnde 1-6 gradýs aıaz bolady. Petropavlovsk qalasynda da soltústik-batys jel soǵady, ekpini 15-20 m/s-ten 23-28 m/s-ke deıin jetedi. Túnde 1-3 gradýs aıaz kútiledi.

Astana qalasy

11 mamyr kúni túnde elordada jer betinde 2 gradýs aıaz bolýy múmkin. Kúndiz soltústik-batys jel 15-20 m/s ekpinmen soǵady.

Buǵan deıin sınoptıkter Qazaqstanda qatty jańbyr bolatyny týraly eskertken bolatyn.