InfoHub Logo

Astanadaǵy "Nurly jol" temirjol vokzalyndaǵy dárethanalardyń kúıi qoǵamda rezonans týdyrdy. Áleýmettik jelide jarıalanǵan sýretter men pikirlerde sanıtarlyq toraptardyń tıisti deńgeıde tazalanbaıtyny aıtylǵan.

Bul týraly Infohub.kz aqparat agenttigi habarlaıdy.

Jaǵdaıdyń mán-jaıy

Jelide taraǵan shaǵymda "Nurly jol" vokzalyndaǵy dárethanalardyń tazalyǵyna qatysty másele kóterilgen. Jarıalanǵan sýretterde rakovınalardyń aınalasyndaǵy granıt ústelderdiń sarǵaıyp ketkeni, edenniń buryshtarynda, esik jaqtaýlarynda kirdiń jınalǵany baıqalady. Sondaı-aq, ýnıtazdyń artqy jaǵyndaǵy sarǵysh daqtar men qara izder de kórinis bergen.

"Qazaqstan temir joly" ne deıdi?

"Qazaqstan temir joly" (QTJ) baspasóz qyzmetiniń málimetinshe, sanıtarlyq toraptardyń tazalyǵy ár 60 mınýt saıyn júrgiziledi. Qyzmetkerler qajetti gıgıenalyq quraldarmen, sonyń ishinde dárethana qaǵazy, suıyq sabyn, sondaı-aq arnaıy tazalaý quraldarymen qamtamasyz etilgen. Kompanıa ókilderi rakovınadaǵy sarǵaıǵan daqtardyń materıaldyń tozýynan jáne sýdyń áserinen paıda bolǵanyn túsindirdi.

Vokzaldardy jańǵyrtý jospary

QTJ "Nurly jol" vokzalyndaǵy sanıtarlyq toraptardy jańartý jumystary bastalǵanyn habarlady. Joba jańa dızaınmen jáne zamanaýı materıaldarmen jasalmaq. Bul jolaýshylar úshin keńistikti jaıly ári estetıkalyq turǵydan jaqsartýǵa baǵyttalǵan.

Buǵan qosa, 2026 jyldyń sońyna deıin QTJ elimiz boıynsha 120-dan astam temirjol vokzalyn jóndeýdi josparlap otyr. Onyń 37-si apatty jaǵdaıda dep tanylyp, súrip tastalyp, ornyna jańa ǵımarattar salynady.