InfoHub Logo

Astanada LRT jelisindegi «Jibek joly» stansıasy jolaýshylarǵa esigin ashty. Buǵan deıin atalǵan stansıaǵa jetýdiń joly bolmaǵandyqtan, ol jabyq turǵan edi. Endi joldar salynyp, stansıa alǵashqy jolaýshylaryn qabyldaı bastady.

Bul týraly Infohub.kz aqparat agenttigi habarlaıdy.

«Astana- Ne? Qaıda? Qashan?» Telegram arnasynyń habarlaýynsha, qazirgi ýaqytta stansıanyń tek bir kireberis-shyǵaberisi ǵana jumys isteıdi. Ekinshi shyǵatyn esik keıinirek ashylady dep kútilýde.

Aınalasyndaǵy tynys

Stansıa mańynda ázirge bir jańa turǵyn úı jáne birneshe jeke úıler bar. Bolashaqta bul aýmaqtaǵy jeke sektordy alyp, onyń ornyna jańa turǵyn úı keshenderi salynýy múmkin.

Stansıa ishinde ázirge tynysh, jolaýshylar da kóp emes. Alaıda, aýdan ıgerilip, qurylys jumystary qarqyn alǵanda, stansıanyń da ómiri ózgeretini sózsiz.

Bolashaq josparlar

Budan bólek, Qaldaıaqov kóshesi jaǵynan stansıanyń astynan tikeleı jol salý josparlanýda. Bul bolashaq turǵyndar úshin stansıany odan ári yńǵaıly ete túspek.

Buǵan deıin «Kýrsıv» LRT jelisiniń ataýy «Tarlan — Astana» dep ózgeretini týraly jazǵan bolatyn. Bul týraly qalalyq máslıhat otyrysynda belgili boldy.

Onomastıka komısıasynyń otyrysynda LRT-ǵa mádenı mańyzy bar ataý berý usynylǵan.

Kontekst

Esterińizge sala keteıik, 16 mamyrda Qazaqstan prezıdenti Qasym-Jomart Toqaev Astana LRT jumysyn resmı túrde bastap bergen bolatyn. Keıinnen, eki apta ishinde atalǵan kólikpen mıllıonǵa jýyq jolaýshy tasymaldanǵany týraly elorda ákimi Jeńis Qasymbek málimdegen edi.