InfoHub Logo

Elorda turǵyndary endi jedel járdem kóliginiń qozǵalysyn naqty ýaqyt rejıminde baqylaı alady. Bul múmkindik 1-sanattaǵy, ıaǵnı eń shuǵyl shaqyrtýlar boıynsha áreket etedi. Shaqyrtý tirkelgennen keıin naýqastyń telefonyna ınteraktıvti karta siltemesi bar SMS-habarlama jiberiledi. Silteme arqyly paıdalanýshy brıgadanyń qaı jerde kele jatqanyn kóre alady.

Jańa pılottyq júıe Densaýlyq saqtaý mınıstrligi, Yandex Qazaqstan, IT Space jáne 7Generation kompanıalarynyń seriktestigimen iske qosyldy. Aldaǵy ýaqytta bul júıe barlyq sanattaǵy shaqyrtýlarǵa qoljetimdi bolyp, basqa óńirlerde de engiziledi.