InfoHub Logo

Astanada jańadan iske qosylǵan LRT jelisinde jolaýshylar alǵashqy qıyndyqtarǵa tap boldy. Vagondardyń birinde kondısıonerler óshirilip, ishindegi adamdar tynyssyzdyqtan ábigerge túsken.

Bul týraly Infohub.kz aqparat agenttigi habarlaıdy.

Vagondaǵy jaǵdaı

Jolaýshylardyń aıtýynsha, poıyzdyń biri jelide shamamen jarty saǵattaı turyp qalǵan. Sol kezde vagondaǵy kondısıonerler jumysyn toqtatqan. İshindegi aýa lastanyp, balalar jylap, keıbir adamdardyń esinen tanyp qalǵany aıtylady. Tipti, keıbireýler terezeni buzýǵa da tyrysqan.

Kompanıanyń jaýaby

City Transportation Systems (CTS) kompanıasy mundaı jaǵdaıǵa jolaýshylardyń ózderiniń qaýipsizdik erejelerin buzýy sebep bolǵanyn málimdedi. Kompanıanyń málimetinshe, keıbir adamdar esh sebepsiz shuǵyl tejegishti basyp, poıyz qozǵalyp turǵanda esikterdi ashýǵa tyrysqan nemese olardyń jabylýyna kedergi keltirgen. Osynyń saldarynan júıe qaýipsizdikti tekserý úshin poıyzdardy avtomatty túrde toqtatqan.

CTS LRT júıesiniń tolyq avtomattandyrylǵanyn jáne mundaı áreketterdi júıeniń qater tóndirýshilik dep qabyldaıtynyn eske saldy. Sondaı-aq, kompanıa jolaýshylarǵa vagondaǵy esikterdi óz betinshe ashýdyń qaýipti ekenin eskertti. Qajet bolǵan jaǵdaıda operator ǵana qýatty óshirgen soń esikterdi asha alady. Ereje buzǵandar beınekamera arqyly anyqtalyp, jazbalar polısıaǵa beriletin bolady.

Buǵan deıingi jaǵdaılar

Buǵan deıin LRT iske qosylǵannan keıin «Jibek joly» №117 stansıasynyń áli kúnge deıin jumys istemeıtini habarlanǵan edi. CTS muny stansıa mańyndaǵy abattandyrý jumystarynyń áli jalǵasyp jatqanymen túsindirgen. Qalǵan stansıalar jolaýshylardy qalypty qabyldap jatyr.