InfoHub Logo

Astana qalasynyń turǵyndary Naýryz meıramy qarsańynda ótkizilgen erekshe dron shoýdy tamashalady. Qazaq eli alańynda myńdaǵan ushqysh qurylǵylar aspandy jaryqqa bólep, qazaqtyń kóshpeli mádenıeti men baı murasyn beıneleıtin kórinisterdi somdady.

Bul týraly Infohub.kz aqparat agenttigi habarlaıdy.

Aspanda ıýrta, taıqazan, qymyz quıylǵan shynyaıaq, túıe kerýeni jáne asyq sıaqty kóshpeli ómirdiń, molshylyqtyń, halyqtyń myqtylyǵy men ózindik ereksheliginiń sımvolyna aınalǵan beıneler jarqyrady. Budan bólek, tabıǵattyń oıanýy men kóktemniń bastalýyn bildiretin úsh ólshemdi qyzǵaldaq, sondaı-aq kóktemgi kún men túnniń teńelýin aıshyqtaıtyn kún men aı beıneleri kórermenderdi tánti etti.

Sherýdiń máresi

Sherýdiń sońynda «Naýryz qutty bolsyn!» degen jazý aspanda jarqyrap kórindi. Bul kórinis merekeniń mańyzdylyǵyn jáne halyqtyń birligin aıshyqtaı tústi.

Naýryz toıy jalǵasady

Astanada 22 naýryzda Naýryz meıramy aıasynda aýqymdy is-sharalar jalǵasady. Negizgi merekelik alańdarda ulttyq taǵamdar men qolóner buıymdary satylatyn jármeńkeler, sondaı-aq sheberlik synyptary men ulttyq salt-dástúrlerdi kórsetý sharalary uıymdastyrylady.