InfoHub Logo

Astanada 8-10 sáýir aralyǵynda aýa raıy kúrt ózgeredi. Eger 8 sáýirde kúndiz +15...+17 gradýs jyly bolyp, naızaǵaı oınasa, 10 sáýirde kún sýytyp, qar aralas jańbyr jaýýy yqtımal. Túnde temperatýra +1...+3 gradýsqa deıin tómendeıdi.

Bul týraly Infohub.kz aqparat agenttigi habarlaıdy.

Astanadaǵy aýa raıy boljamy

8 sáýir kúni aınymaly bultty bolyp, keıde jańbyr jaýyp, kúndiz naızaǵaı oınaıdy. Soltústik-shyǵys jeli 9-14 m/s, kúndiz ekpini 15 m/s jetedi. Aýa temperatýrasy túnde +3...+5, kúndiz +15...+17 gradýs bolady.

9 sáýir kúni aınymaly bultty bolyp, keıde jańbyr jaýady. Túnde jáne tańerteń tuman túsedi. Ońtústik-shyǵys jeli 9-14 m/s jyldamdyqpen soǵady. Aýa temperatýrasy túnde +6...+8, kúndiz +13...+15 gradýs bolady.

10 sáýir kúni aınymaly bultty bolyp, túnde jáne tańerteń jaýyn-shashyn (jańbyr, qar), tuman kútiledi. Soltústik-batystan soqqan jel soltústik-shyǵysqa aýysady, túnde 9-14 m/s, kúndiz 2-7 m/s bolady. Aýa temperatýrasy túnde +1...+3, kúndiz +8...+10 gradýs bolady.

Almatydaǵy aýa raıy boljamy

8 sáýir kúni Almatyda aınymaly bultty bolyp, jaýyn-shashynsyz ótedi. Batys jel soǵady, 3-8 m/s, kúndiz ekpini 13 m/s jetedi. Aýa temperatýrasy túnde +11...+13, kúndiz +22...+24 gradýs bolady.

9 sáýir kúni aınymaly bultty bolyp, shaǵyn jańbyr jaýyp, naızaǵaı oınaýy múmkin. Soltústik-batys jel soǵady, 3-8 m/s, ekpini 15-18 m/s jetedi. Aýa temperatýrasy túnde +8...+10, kúndiz +15...+17 gradýs bolady.

10 sáýir kúni túnde shaǵyn jańbyr jaýyp, naızaǵaı oınaýy yqtımal. Shyǵys jel soǵady, 3-8 m/s, ekpini 15 m/s jetedi. Aýa temperatýrasy túnde +8...+10, kúndiz +17...+19 gradýs bolady.

Buǵan deıin sınoptıkter Qazaqstannyń soltústik-batys óńirlerinde aýa temperatýrasy kúndiz +3...+15 gradýsqa deıin tómendeıtinin habarlaǵan bolatyn.