Photo: Anete Lusina (https://www.pexels.com/@anete-lusina) / Pexels
Astanada turǵyn úıdiń qasbeti qulady: jeldiń kúshinen boldy
Astanada qatty jeldiń saldarynan toǵyz qabatty turǵyn úıdiń qasbeti opyrylyp tústi. Bul týraly vıdeo áleýmettik jelilerde taralýda.
Aldyn ala málimetter boıynsha, jeldiń kúshinen qasbettiń jylýoqshaýlaǵysh materıaly syrtqy qabyrǵadan bólinip ketken.
Oqıǵa qalanyń oń jaǵalaýyndaǵy «Aıka» turǵyn úı kesheninde boldy. Keshen 2012 jyly paıdalanýǵa berilgen.
Vıdeoda úıdiń bir qabyrǵasynyń jartylaı jalańashtanyp qalǵany, metal bekitkishteri kórinip turǵany baıqalady. Jylýoqshaýlaǵysh plıtalardyń synyqtary úıdiń irgesine qaraı shashylyp túsken.
Baqytymyzǵa oraı, oqıǵa kezinde úıdiń janynda adamdar bolmaǵan. Ákimdiktiń baspasóz qyzmeti eshkimniń zardap shekpegenin habarlady.
«11 naýryzda shamamen saǵat 17:00-de qatty jeldiń saldarynan «Aıka» TÚK-niń qasbetinen jylýoqshaýlaǵysh bólinip ketti. Úı 2015 jyly salynǵan. Zardap shekkender joq», - delingen habarlamada.
Ákimdik málimetinshe, qazir úıdiń basqarýshy kompanıasy jóndeý jumystarynyń shyǵynyn eseptep jatyr. Fasadty qalpyna keltirý úshin ónerkásiptik álpınıs jaldaý máselesi qarastyrylýda.
Buǵan deıin Astanada 8 qarashada Táýelsizdik dańǵyly, 24 B mekenjaıyndaǵy toǵyz qabatty úıdiń qasbetinen kirpish qaptamasy qulap, bes adam zardap shekken bolatyn.
-
Qazaqstannyń ekologıa mınıstrligi Almaty men basqa da iri qalalardaǵy aýanyń lastanýyna qarsy kúres sharalary aıasynda kólikterdi jup jáne taq nómirleri boıynsha bólý tájirıbesin zerttep jatyr.
-
A strong gust of wind caused a section of an apartment building's facade to detach and fall in Astana, leaving residents and pedestrians unharmed.
